47 ஆண்டுகளாக பயங்கரவாத அச்சுறுத்தலாக விளங்கிய ஈரான் முற்றிலும் தகர்ப்பு - டிரம்ப்கேரளத்தில் 47 இடங்களுக்கான பாஜக வேட்பாளர் பட்டியல் வெளியீடுஎரிபொருள் தட்டுப்பாடு : இலங்கையில் 4 நாள் வேலை, 3 நாள் விடுமுறை! மக்களவையில் 8 உறுப்பினர்கள் மீதான இடைநீக்கம் ரத்து : அனைத்துக் கட்சிக் கூட்டத்தில் முடிவு45,000 மெட்ரிக் டன் எல்பிஜி உடன் ஹோர்முஸ் நீரிணை வழியாக குஜராத் வந்தது சிவாலிக் கப்பல்!கரூர் உள்பட 4 மாவட்ட எஸ்.பி.க்கள் மாற்றம்! தேர்தல் ஆணையம் உத்தரவுமேற்கு வங்க தோ்தல்: பாஜக வேட்பாளா்கள் அறிவிப்பு!
/

பசும்பொன்னில் காத்திருப்போா் கூடம் கட்டுமானப் பணி: அமைச்சா்கள் ஆய்வு

பசும்பொன்னில் ரூ.1.55 கோடியில் கட்டப்பட்டு வரும் பொதுமக்கள் காத்திருப்போா் கூடத்தை தமிழக அமைச்சா்கள் எ.வ.வேலு, ஆா்.எஸ்.ராஜகண்ணப்பன் ஆகியோா் வியாழக்கிழமை பாா்வையிட்டு ஆய்வு செய்தனா்.

News image
Updated On :10 அக்டோபர் 2024, 9:42 pm

Din

பசும்பொன்னில் ரூ.1.55 கோடியில் கட்டப்பட்டு வரும் பொதுமக்கள் காத்திருப்போா் கூடத்தை தமிழக அமைச்சா்கள் எ.வ.வேலு, ஆா்.எஸ்.ராஜகண்ணப்பன் ஆகியோா் வியாழக்கிழமை பாா்வையிட்டு ஆய்வு செய்தனா்.

ராமநாதபுரம் மாவட்டம், பசும்பொன்னில் சுதந்திரப் போராட்ட வீரா் முத்துராமலிங்கத் தேவா் நினைவிடம் முன் புதிதாக பொதுமக்கள் காத்திருப்போா் கூடம் கட்டப்பட்டு வருகிறது.

இந்தப் பணிகளை மாவட்ட ஆட்சியா் சிம்ரன்ஜீத் சிங் காலோன் முன்னிலையில், பால்வளத் துறை அமைச்சா் ஆா்.எஸ்.ராஜகண்ணப்பன், பொதுப்பணித் துறை அமைச்சா் எ.வ.வேலு ஆகியோா் பாா்வையிட்டு ஆய்வு செய்தனா்.

பின்னா் செய்தியாளா்களிடம் அமைச்சா் எ.வ.வேலு கூறியதாவது:

முதலமைச்சா் மு.க.ஸ்டாலின், துணை முதல்வா் உதயநிதி ஸ்டாலின் ஆகியோா் பசும்பொன் முத்துராமலிங்கத் தேவா் ஜெயந்தி அன்று நினைவிடத்தில் மரியாதை செலுத்த வருகிறாா்கள்.

இந்தப் பகுதி மக்களின் வேண்டுகோளுக்கிணங்க விழாக் காலத்தில் மழை, வெயிலிலிருந்து பாதுகாப்பாக வந்து செல்வதற்கு ஏதுவாக ரூ.1.55 கோடியில் பொதுமக்கள் காத்திருப்போா் கூடம் 10 ஆயிரம் சதுர அடியில் கட்டப்பட்டு வருகிறது. இந்தப் பணிகள் வருகிற 30-ஆம் தேதிக்குள்

முடிக்கப்பட்டு, தேவா் ஜெயந்தி விழாவில் பயன்பாட்டுக்கு கொண்டு வரப்பட உள்ளது. காத்திருப்போா் கூடத்தில் சுமாா் 1000 போ் தங்கிச் செல்ல முடியும். மேலும், ஆண்கள் பகுதி, பெண்கள் பகுதி, மாற்றுத்திறனாளிகள் பகுதி என தனித்தனியே பிரிக்கப்பட்டு பாதுகாப்பாக வந்து செல்லும் வகையில் வடிவமைக்கப்பட்டுள்ளது.

கமுதி தேவா் கல்லூரிக்கு புதிய நிா்வாகக் குழு அமைக்க முதலமைச்சா், உயா்கல்வித் துறை அமைச்சரின் கவனத்துக்கு கொண்டு செல்லப்படும் என்றாா் அவா். முன்னதாக அமைச்சா்கள் இருவரும் தேவா் நினைவிடத்தில் மாலை அணிவித்து மரியாதை செலுத்தினா்.

இந்த ஆய்வின்போது, அரசு கூடுதல் தலைமைச் செயலா் மங்கத்ராம் சா்மா, சட்டப்பேரவை உறுப்பினா்கள் காதா்பாட்சா முத்துராமலிங்கம், செ.முருகேசன், பரமக்குடி சாா் ஆட்சியா் அபிலாஷா கௌா், கமுதி ஊராட்சி ஒன்றியக் குழுத் தலைவி தமிழ்செல்விபோஸ் உள்பட பலா் கலந்து கொண்டனா்.