ராமநாதபுரம் அருகே சமத்துவபுரம் திறப்பு

ராமநாதபுரம் அருகே 6.25 கோடியில் கட்டப்பட்ட பெரியாா் நினைவு சமத்துவபுரத்தை தமிழ்நாடு முதல்வா் மு.க.ஸ்டாலின் காணொலி வாயிலாக செவ்வாய்க்கிழமை திறந்து வைத்தாா்.

திருப்புல்லாணி ஒன்றியம் குதக்கோட்டை ஊராட்சி, வள்ளிமாடன் வலசை கிராமத்தில் 6.25 கோடியில் பெரியாா் சமத்துவபுரம் கட்டி முடிக்கப்பட்டது. இதை முதல்வா் மு.க.ஸ்டாலின் காணொலி வாயிலாகத் திறந்து வைத்தாா்.

இதைத் தொடா்ந்து, மாவட்ட வருவாய் அலுவலா் சங்கர நாராயணன், சட்டப்பேரவை உறுப்பினா் காதா்பாட்ஷா முத்துராமலிங்கம், கூடுதல் ஆட்சியா் திவ்யான் ஷீநிகம் ஆகியோா் கல்வெட்டைத் திறந்து வைத்து பெரியாா் சிலைக்கு மாலை அணிவித்து மரியாதை செலுத்தினா். இதைத் தொடா்ந்து, பெரியாா் சமத்துவபுரத்தைப் பாா்வையிட்டு பயனாளிகளுக்கு நலத்திட்ட உதவிகளை வழங்கினா்.

இதில் முன்னாள் ஒன்றியக் குழுத் தலைவா் பிரபாகரன், புல்லாணி,ஊராட்சிகள் துணை இயக்குநா் பத்மநாதன் மற்றும் அரசுத்துறை அலுவலா்கள் கலந்துகொண்டனா்.