கோயிலுக்குள் புகுந்த பாம்பு

ராமநாதபுரம் மாவட்டம், திருவாடானையில் கோயிலுக்குள் சிலை மீதிருந்த பாம்பை தீயணைப்பு வீரா்கள் வியாழக்கிழமை பிடித்தனா்.

இங்கு ராமநாதபுரம் சமஸ்தான தேவஸ்தானத்துக்கு பாத்தியபட்ட ஸ்ரீபிடாரி அம்மன் கோயில் உள்ளது. இந்தக் கோயிலுக்கு வியாழக்கிழமை பூஜாரி சென்ற போது, கோயிலுக்குள் அம்மன் சிலை மீது நல்ல பாம்பு படமெடுத்து ஆடியபடி இருந்தது. இதுகுறித்து தகவலறிந்த திருவாடானை தீயணைப்பு நிலைய வீரா்கள் சென்று பாம்பை மீட்டு, அருகில் உள்ள காட்டுப் பகுதியில் விட்டனா்.