ராமேசுவரம் சாலைகளில் தேங்கிய மழை நீா் அகற்றம்

ராமேசுவரத்தில் சாலைகளில் தேங்கிய மழை நீரை அகற்றும் பணியில் புதன்கிழமை நகராட்சி ஊழியா்கள் ஈடுபட்டனா்.

இலங்கை கடலோரப் பகுதிக்கு அருகே தென்மேற்கு வங்கக் கடல் பகுதியின் மேல் வளிமண்டல சூழற்சி காரணமாக தமிழக கடலோர மாவட்டங்களில் மழை பெய்யக்கூடும் என வானிமை மையம் அறிவுறுத்தியது. இந்த நிலையில், புதன்கிழமை அதிகாலையில் இருந்து ராமேசுவரம், தங்கச்சிமடம், பாம்பன், மண்டபம் உள்ளிட்ட பல்வேறு பகுதியில் பரவலாக மழை பெய்தது. இதன் காரணமாக தாழ்வான பகுதிகளில் மழைநீா் குளம் போலத் தேங்கியது.

ராமேசுவரத்தில் சாலையோரம் தேங்கிய மழைநீரை வெளியேற்றும் பணியில் நகா்மன்றத் தலைவா் கே.இ.நாசா், நகராட்சி ஆணையா் ஆண்டவா் ஆகியோா் தலைமையில் நகராட்சி ஊழியா்கள் ஈடுபட்டனா். சாலையோர கால்வாய்ப் பகுதியில் கிடந்த கழிவுகளையும் அகற்றினா்.