பல்லடத்தில் வாடகை செலுத்தாத 8 கடைகளுக்கு சீல்

பல்லடம் நகராட்சிக்கு சொந்தமான 8 கடைகளுக்கு வாடகை செலுத்ததால் அக்கடைகளுக்கு நகராட்சி ஊழியா்கள் செவ்வாய்க்கிழமை ‘சீல்’ வைத்தனா்.

பல்லடத்தில் நகராட்சிக்கு சொந்தமான இடங்களில் பேருந்து நிலையம், தினசரி மாா்க்கெட், அண்ணா வணிக வளாகம் உள்ளிட்ட பகுதிகளில் 228 கடைகள் செயல்பட்டு வருகின்றன. இக்கடைகளை நடத்தும் வாடகைதாரா்கள் ஒவ்வொரு மாதம் 5-ஆம் தேதிக்குள் வாடகை செலுத்த வேண்டும் என்று நகராட்சி நிா்வாகம் அறிவுறுத்தி உள்ளது.

நகராட்சி நிா்வாகத்துக்கு 228 கடைகள் மூலம் ஆண்டுக்கு ரூ.3 கோடியே 52 லட்சம் வாடகை வருவாய் கிடைக்கிறது. இந்த நிலையில் பல கடைக்காரா்கள் கடந்த பல மாதங்களாக வாடகை செலுத்தவில்லை. இதனால் அவா்களுக்கு முறையாக நோட்டீஸ் அனுப்பியும் வாடகை செலுத்தவில்லை என்று கூறப்படுகிறது.

இதையடுத்து வாடகை செலுத்தாத கடைகளுக்கு ‘சீல்’ வைக்குமாறு திருப்பூா் மண்டல நகராட்சிகளின் இயக்குநா் தானுமூா்த்தி அறிவுறுத்தலின்பேரில் பல்லடம் நகராட்சி ஆணையா் அருள் உத்தரவிட்டாா். அதன்பேரில் நகராட்சி வருவாய் உதவி அலுவலா் முருகன், வருவாய் ஆய்வாளா் கொங்குராஜ் மற்றும் தூய்மைப் பணியாளா்கள் அண்ணா வணிக வளாகத்தில் ரூ.9 லட்சம் வாடகை பாக்கி வைத்திருந்த 6 கடைகளுக்கும், பல்லடம் பேருந்து நிலையத்தில் ரூ.3 லட்சத்து 25 ஆயிரம் வாடகை பாக்கி வைத்திருந்த ஆவின் பூத் கடைக்கும், பச்சாபாளையத்தில் ரூ.80 ஆயிரம் வாடகை பாக்கி வைத்திருந்த ஆட்டு இறைச்சிக் கடைக்கும் என மொத்தம் 8 கடைகளுக்கு ‘சீல்’ வைத்து மூடினா்.

பல்லடம் நகராட்சி நிா்வாகத்துக்கு வாடகை செலுத்தாத கடைகளின் உரிமையாளா்களிடம் உடனடியாக வாடகையை செலுத்துமாறு அறிவுறுத்தப்பட்டுள்ளது. அவா்கள் வாடகை செலுத்தாவிட்டால், கடைகளை பூட்டி சீல் வைக்கப்படும் என்று நகராட்சி நிா்வாகம் சாா்பில் எச்சரிக்கை விடுக்கப்பட்டுள்ளது.