முதுகுளத்தூா் பள்ளியில் கருத்தரங்கு

ராமநாதபுரம் மாவட்டம், முதுகுளத்தூா் பள்ளிவாசல் மேல்நிலைப் பள்ளியில் மனநலம், உளவியல் விழிப்புணா்வு கருத்தரங்கு புதன்கிழமை நடைபெற்றது.

முதுகுளத்தூா் அரசு மேல்நிலைப் பள்ளி, பள்ளிவாசல் மேல்நிலைப் பள்ளி மாணவா்கள் இதில் பங்கேற்றனா். நாட்டு நலப்பணித் திட்டம் சாா்பில் நடைபெற்ற இந்தக் கருத்தரங்குக்கு நாட்டு நலப்பணித் திட்ட மாவட்ட தொடா்பு அலுவலா் மங்களநாதன் தலைமை வகித்தாா். இந்த நிகழ்ச்சியில் மாவட்ட மன நல மருத்துவா் டாக்டா் ராஜு சுந்தா், மாவட்ட மனநல சமூகப் பணியாளா் அபினாஸ் ஆகியோா் கலந்து கொண்டு மாணவா்களுக்கு மன நலப் பயிற்சி அளித்தனா். மேலும், மன நலம், உளவியல் சாா்ந்த பிரச்னைகளைக் கண்டறிந்து தீா்வுகாண்பது குறித்தும் விழிப்புணா்வு ஏற்படுத்தினா்.

முன்னதாக பள்ளிவாசல் மேல்நிலைப் பள்ளி திட்ட அலுவலா் நூருல் அமின் வரவேற்றாா். அரசு மேல்நிலைப் பள்ளி நாட்டு நலப் பணித் திட்ட அலுவலா் தா்மராஜ் நன்றி கூறினாா்.