லட்சார்ச்சனை நிறைவு விழா

திருப்பத்தூர் ஸ்ரீ தர்மசாஸ்தா ஆலயத்தில் சனிக்கிழமை லட்சார்ச்சனை நிறைவு விழா நடைபெற்றது.

  ஸ்ரீ தர்மசாஸ்தா ஆலயத்தில் மார்கழி 1 ஆம் தேதி கணபதி ஹோமம் மற்றும் சாஸ்தா ஹோமங்களுடன் லட்சார்ச்சனை துவக்க விழா நடைபெற்றது. அதைத் தொடர்ந்து மார்கழி 11 ஆம் தேதி மண்டலாபிஷேக ஆராதனைகள், சுவாமி திருவீதி உலா நடைபெற்றது.

  அதன் தொடர்ச்சியாக ஜன. 5 ஆம் தேதி லட்சார்ச்சனை நிறைவு விழா நடைபெற்றது. அப்போது மூலவருக்கு சிறப்பு அபிஷேகங்கள் மற்றும் தீபாராதனைகள் நடைபெற்றன.

 நிகழ்ச்சியில் திருப்பத்தூர் ஒன்றியத் தலைவர் ஏ.வி.என்.கஸ்தூரிநாகராஜன், அப்சா கல்லூரிச் செயலர் ராமேஸ்வரன் உள்ளிட்ட ஏராளமான சுவாமிகள் மற்றும் பக்தர்கள் கலந்து கொண்டனர்.