திருப்பத்தூர் அருகே கார்கள் மோதல்: மேலும் ஒருவர் சாவு

சிவகங்கை மாவட்டம் திருப்பத்தூர் அருகே கார்கள் மோதிய விபத்தில் வியாழக்கிழமை மேலும் ஒருவர் உயிரிழந்தார்.
திருப்பத்தூர் அருகே புறாக்கூட்டுமலை என்ற இடத்தில் இரு கார்கள் செவ்வாய்க்கிழமை மோதிக் கொண்டதில் காரைக்குடி கழனிவாசல் பகுதியைச் சேர்ந்த சகோதரர்கள் இருவர் சம்பவ இடத்திலேயே இறந்தனர். மற்றொரு காரில் பயணித்த திருக்கோஷ்டியூரைச் சேர்ந்த ராகவன் மகன் பாலாஜி(32), பலத்த காயங்களுடன் மதுரை அரசு மருத்துவமனையில் அனுமதிக்கப்பட்டிருந்தார்.
அவர் வியாழக்கிழமை சிகிச்சை பலனின்றி இறந்தார். இவர் திருக்கோஷ்டியூர் செளமியநாராயண பெருமாள் கோயில் உதவியாளராக பணிபுரிந்து வந்தார்.