விவசாயிகள் வேளாண் பணிக்கு நவீன கால இயந்திரங்களைப் பயன்படுத்தி அதிக லாபம் பெறவேண்டும் என, கதர் மற்றும் கிராமத் தொழில்கள் துறை அமைச்சர் க. பாஸ்கரன் தெரிவித்தார்.
சிவகங்கை மாவட்ட வேளாண்மைத் துறையின் சார்பில் ஒருங்கிணைந்த பயிர் பாதுகாப்பு குறித்த கருத்தரங்கம் மற்றும் வேளாண்மை குறித்த கண்காட்சி அரங்கம் தொடக்க விழா செவ்வாய்க்கிழமை நடைபெற்றது.
சிவகங்கையில் உள்ள சமுதாயக் கூடத்தில் நடைபெற்ற இந்த விழாவுக்கு, மாவட்ட ஆட்சியர் ஜெ. ஜெயகாந்தன் தலைமை வகித்தார். வேளாண்மைத் துறை இணை இயக்குநர் சேகர், சிவகங்கை எம்.பி. செந்தில்நாதன் ஆகியோர் முன்னிலை வகித்தனர்.
இதில், கதர் மற்றும் கிராமத் தொழில்கள் துறை அமைச்சர் க. பாஸ்கரன் சிறப்பு விருந்தினராகக் கலந்து கொண்டு கருத்தரங்கம் மற்றும் கண்காட்சி அரங்கை தொடக்கி வைத்துப் பேசியது: கடும் வறட்சி காரணமாக மாவட்டம் முழுவதும் குடிநீர் பற்றாக்குறை நிலவி வருகிறது. இதற்குத் தீர்வு காணும் வகையில் அந்தந்தப் பகுதியைச் சேர்ந்த அரசு அலுவலர்கள் களப்பணி மேற்கொண்டு, மாவட்ட நிர்வாகத்துக்கு அறிக்கை சமர்ப்பிக்க வேண்டும்.
கடந்த சில ஆண்டுகளாக மழை பொய்த்துப் போனதால், நெல், கரும்பு, வாழை போன்ற பயிர்களை பயிரிட்ட விவசாயிகள் உரிய விளைச்சலின்றி மிகவும் அவதிக்குள்ளாகி வருகின்றனர். இதனைக் கருத்தில் கொண்டு, இனிவரும் காலங்களில் குறைவாக தண்ணீர் தேவைப்படும் சிறுதானிய வகைகள் மற்றும் மானாவாரிப் பயிர்களை பயிரிட முன் வரவேண்டும். மேலும், விவசாயிகள் வேளாண் பணிக்கு நவீன கால இயந்திரங்களை பயன்படுத்தி அதிக லாபம் பெற வேண்டும் என்றார். அதன்பின்னர், பயனாளிகளுக்கு ரூ.12.55 லட்சம் மதிப்பீட்டில் வேளாண் இயந்திரங்களை அமைச்சர் வழங்கினார்.
இந்நிகழ்ச்சியில், குன்றக்குடி வேளாண் ஆராய்ச்சி நிலையப் பேராசிரியர்கள் செந்தூர்குமரன், கண்ணன், பரமசிவம், தோட்டக்கலைத் துறை துணை இயக்குநர் ராஜேந்திரன், வேளாண்மைத் துறை துணை இயக்குநர் சசிகலா, அட்மா திட்ட துணை இயக்குநர் இளங்கோவன் உள்பட அரசு அலுவலர்கள் பலர் கலந்துகொண்டனர்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
தொடர்புடையது

அமைச்சர்கள் நியமிக்கப்படாத துறைகள்!

ஆட்சியைக் கலைத்துவிட்டு தேர்தலை சந்திப்பார் விஜய் ? | Ravindran Duraisamy Interview | TVK | CM Vijay

கொல்கத்தா நைட் ரைடர்ஸுக்கு எதிராக குஜராத் டைட்டன்ஸ் பந்துவீச்சு!
இளைஞர்களைக் கரப்பான்பூச்சி, ஒட்டுண்ணிகளுடன் ஒப்பிட்ட விமர்சனம்: உச்ச நீதிமன்றத் தலைமை நீதிபதி விளக்கம்!
விடியோக்கள்

ஆட்சியைக் கலைத்துவிட்டு தேர்தலை சந்திப்பார் விஜய் ? | Ravindran Duraisamy Interview | TVK | CM Vijay
தினமணி செய்திச் சேவை

”விவாகரத்து கிடக்கும் வரை நடிக்கப்போவதில்லை!”: Ravi Mohan பரபரப்பு பேட்டி!
இணையதளச் செய்திப் பிரிவு

மதிய உணவுடன் செயலகம் வரும் முதல்வர்! அமைச்சர் நிர்மல் குமார்
இணையதளச் செய்திப் பிரிவு

Podcast | அமைச்சர் ஆவார்களா அதிமுக எம்எல்ஏ-க்கள்? | News and Views | Epi - 35 | TVK | CM Vijay |
தினமணி செய்திச் சேவை
