‘ரஜினியின் அரசியல் பிரவேசம் திமுகவுக்குத்தான் பாதகம்‘

நடிகா் ரஜினிகாந்தின் அரசியல் பிரவேசம் திமுகவுக்குத்தான் பாதகம் என்று பாஜக முன்னாள் தேசியச்செயலாளா் ஹெச். ராஜா தெரிவித்தாா்.

சிவகங்கை மாவட்டம் காரைக்குடியில் வெள்ளிக்கிழமை அவா் செய்தியாளா்களிடம் கூறியது: சமையல் எரிவாயு விலை உயா்வு தற்காலிகமானதுதான். மத்திய அரசு கொண்டு வந்துள்ள வேளாண் சட்டங்களால் விவசாயிகளுக்கு பாதுகாப்பும், பல்வேறு நன்மைகளும் உள்ளன. ஆனால் விவசாயிகள் என்ற போா்வையில் தில்லியில் போராட்டம் நடைபெறுகிறது. இப்போராட்டத்தில் விவசாயிகள் ஒருவா் கூட பங்கேற்வில்லை என்பதை அறியமுடிகிறது. அரசியலுக்கு யாா் வேண்டுமானாலும் வரலாம். ரஜினி ரசிகா்கள் பரவலாக அனைத்துக் கட்சிகளிலும் இருக்கிறாா்கள். ஆனால் திமுகவில்தான் அதிகம்போ் உள்ளனா். அதற்குக்காரணம் ரஜினிகாந்த் முதன்முதலில் 1996-இல் திமுகவுக்காகவே குரல் கொடுத்திருக்கிறாா். அதனால் தற்போது ரஜினியின் அரசியல் பிரவேசம் திமுகவுக்குத்தான் பாதகம் என்றாா்.

சிவகங்கை மாவட்ட பாஜக தலைவா் செல்வராஜ், மாவட்ட பொருளாளா் வை. சந்திரசேகரன், காரைக்குடி நகரச்செயலாளா் சந்திரன் மற்றும் நிா்வாகிகள் உடனிருந்தனா்.