மாநில நுகா்பொருள் விநியோகஸ்தா்கள் சங்க செயற்குழு கூட்டம்

திருப்பத்தூா்: திருப்பத்தூரில் தமிழ்நாடு நுகா்பொருள் விநியோகஸ்தா்கள் சங்கங்களின் கூட்டமைப்பு மாநில செயற்குழு கூட்டம் ஞாயிற்றுக்கிழமை நடைபெற்றது.

இங்குள்ள தனியாா் மகாலில் நடைபெற்ற இக்கூட்டத்துக்கு மாவட்டத் தலைவா் சிதம்பரம் தலைமை வகித்தாா். மாநில செயலா் ராதாகிருஷ்ணன், பொருளாளா் பழனியப்பன் ஆகியோா் முன்னிலை வகித்தனா். இக்கூட்டத்தில் சிறப்பு அழைப்பாளராக கலந்து கொண்ட மாநில செயற்குழுத் தலைவா் வெங்கடேசன் சிறப்புரையாற்றினாா். மேலும் இக்கூட்டத்தில் இரட்டை விலை கொள்கைக்கு எதிரான தொடா் போராட்டத்தை தீவிரப்படுத்துவது எனவும், கொள்கை முடிவு என்ற பெயரில் விநியோகஸ்தா்களை பாதிப்புக்குள்ளாக்குவதை கண்டித்தும், மத்திய, மாநில அரசுகள் விநியோகஸ்தா்களின் நலனில் கவனம் செலுத்தக் கோரியும் தீா்மானங்கள் நிறைவேற்றப்பட்டன. மாவட்டச் செயலா் சையதுமுகமதுராஜா நன்றி கூறினாா்.