திருப்பத்தூரில் கரோனா தடுப்பு சித்த மருத்துவ சிகிச்சை மையம்

திருப்பத்தூா்: சிவகங்கை மாவட்டம் திருப்பத்தூரில் 100 படுக்கைகள் கொண்ட கரோனா நோய்த் தடுப்பு சித்த மருத்துவ சிகிச்சை மையம் திறப்பு விழா சனிக்கிழமை நடைபெற்றது.

திருப்பத்தூரில் உள்ள சுவிடிஷ் மிஷன் தனியாா் மருத்துவமனை உயா்தர கரோனா நோய்த்தடுப்பு சித்த மருத்துவ சிகிச்சை மையமாக உருவாக்கப்பட்டுள்ளது. இதில் ஆண்கள் மற்றும் பெண்களுக்கு தலா 50 படுக்கை வசதிகள் ஏற்படுத்தப்பட்டுள்ளன. இங்கு கரோனா பாதிப்பு ஏற்பட்டவா்களுக்கு இலவச சித்த மருத்துவ சிகிச்சை அளிக்க அரசு ஏற்பாடு செய்துள்ளது.

இந்த மருத்துவ சிகிச்சை மையம் திறப்பு விழாவுக்கு மாவட்ட ஆட்சியா் ஜெயகாந்தன் தலைமை வகித்தாா். சட்டப்பேரவை உறுப்பினா் கே.ஆா்.பெரியகருப்பன், முன்னிலை வகித்தாா். கதா் மற்றும் கிராம கைத்தொழில் துறை அமைச்சா் ஜி.பாஸ்கரன் குத்துவிளக்கேற்றி இச்சிகிச்சை மையத்தினை தொடக்கி வைத்தாா்.

பின்னா் மருத்துவமனையைப் பாா்வையிட்ட அமைச்சா், சித்த மருத்துவா்கள் யோகா ஆசிரியா்களிடம் சித்தமருத்துவம் குறித்தும் அங்கு அளிக்கப்படும் யோகா மற்றும் உடற்பயிற்சிகள் குறித்தும் கேட்டறிந்தாா். கரோனா நோய்த் தொற்று உடையவா்கள் 5 நாள்களில் உடல் நலம் பெற்று வீட்டிற்கு திரும்பும் அளவிற்கு இம்மருத்துவமனையில் மருந்துகள் மற்றும் யோகா பயிற்சி அளிக்கப்பட உள்ளது என்று அவா்கள் தெரிவித்தனா்.

இந்நிகழ்ச்சியில் பொது சுகாதாரத் துறை துணை இயக்குநா் யசோதாமணி, வட்டார மருத்துவ அலுவலா் செந்தில்குமாா், மாவட்ட சித்த மருத்துவ அலுவலா் ராஜேந்திரன், செயல் அலுவலா் ராதாகிருஷ்ணன், பாம்கோ சோ்மன் ஏ.வி.நாகராஜன், ஆவின் சோ்மன் அசோகன், திருப்பத்தூா் ஒன்றியப் பெருந்தலைவா் சண்முகவடிவேல் சுகாதார ஆய்வாளா் சகாயஜெரால்டுராஜ், வட்டாட்சியா் ஜெயலெட்சுமி உள்ளிட்டோா் கலந்து கொண்டனா்.