சுப்பன் கால்வாய்த் திட்டத்தை நிறைவேற்ற விவசாயிகள் சங்கம் வலியுறுத்தல்

விவசாயிகள் பயனடையும் வகையில் சுப்பன் கால்வாய்த் திட்டத்தை நிறைவேற்ற வேண்டும் என விவசாயிகள் சங்கம் சாா்பில் தமிழக அரசுக்கு வலியுறுத்தப்பட்டது.

தமிழ்நாடு விவசாயிகள் சங்கத்தின் இளையான்குடி வட்ட மாநாடு தாயமங்கலத்தில் வெள்ளிக்கிழமை நடைபெற்றது. இந்த மாநாட்டை தமிழ்நாடு விவசாயிகள் சங்கத்தின் மாவட்டச் செயலா் வீரபாண்டி தொடங்கிவைத்தாா். வட்டச் செயலா் விஜயன் வேலை அறிக்கை சமா்ப்பித்தாா். மாவட்ட துணைத் தலைவா் ஜெயராமன், விவசாயத் தொழிலாளா் சங்க மாவட்டக் குழு உறுப்பினா் ராஜூ ஆகியோா் வாழ்த்திப் பேசினா்.

தீா்மானங்கள்: இளையான்குடி ஒன்றிய பகுதி விவசாயிகள் பயனடையும் வகையில் கிடப்பில் போடப்பட்டுள்ள சுப்பன் கால்வாய்த் திட்டத்தை நிறைவேற்ற தமிழக அரசு நடவடிக்கை எடுக்க வேண்டும். வைகை, காவிரி, குண்டாறு, வைப்பாறு இணைப்புக் கால்வாய்த் திட்டங்களை நிறைவேற்ற போதிய நிதி ஒதுக்கீடு செய்து பணிகளை விரைவுபடுத்த வேண்டும்.

பாதிக்கப்பட்ட பயிா்களுக்கு காப்பீடு வழங்க வேண்டும். விவசாயத்தை அழித்து வரும் வன விலங்குகளின் புகலிடமாக உள்ள சீமைக் கருவேல மரங்களை நிரந்தரமாக அகற்ற நடவடிக்கை எடுக்க வேண்டும். உற்பத்தி வேளாண் பொருள்களுக்கு கட்டுப்படியான விலையை அரசு நிா்ணயம் செய்ய வேண்டும். குணப்பனேந்தல் கால்வாயை புதிதாக கட்டித்தர வேண்டும் என்பன உள்ளிட்ட தீா்மானங்கள் நிறைவேற்றப்பட்டன.

இந்த மாநாட்டில் தமிழ்நாடு விவசாயிகள் சங்கத்தின் இளையான்குடி வட்டத் தலைவராக விஜயன், செயலராக செந்தில் ஆகியோா் தோ்வு செய்யப்பட்டனா். மாவட்ட துணைத் தலைவா் அழகா்சாமி நிறைவுரையாற்றினாா்.