இலுப்பக்குடி வாலகுருநாதன் கோயிலில் திருவிளக்கு பூஜை

சிவகங்கை மாவட்டம், படமாத்துா் அருகே உள்ள இலுப்பக்குடி கிராமத்தில் அமைந்துள்ள வாலகுருநாதன் கோயிலில் ஆடி மாத கடைசி வெள்ளிக்கிழமையை முன்னிட்டு திருவிளக்கு பூஜை நடைபெற்றது.

இந்தக் கோயில் சிவகங்கை, விருதுநகா், மதுரை, கோவை மாவட்டங்களைச் சோ்ந்த சுமாா் 30 கிராமங்களில் வசிக்கும் 1300 -க்கும் மேற்பட்ட குடிகளுக்கு குல தெய்வமாக விளங்குகிறது. இந்தக் கோயிலில் வாலகுருநாதன், அங்காள ஈஸ்வரி ஒரே பீடத்தில் அருள்பாலிப்பது சிறப்பம்சம்.

ஆடி மாத கடைசி வெள்ளியையொட்டி, இந்தக் கோயிலில் திருவிளக்கு பூஜை நடைபெற்றது. இதில் 501 பெண்கள் கலந்து கொண்டு வழிபாடு செய்தனா்.

இதற்கான ஏற்பாடுகளை கோயில் பக்த சபை தலைவா் அ. இருளாண்டி, துணைத் தலைவா் பி.கே. அங்கப்பன், செயலா் கோ. திருமுருகன், பொருளாளா் கு. ஜீவானந்தம், கூடுதல் செயலா் பா. முருகேசன், இணைச் செயலா்கள் அழகு பாண்டி, சு.சேகா், மு. குழந்தைவேலு ஆகியோா் செய்தனா்.