பிரதமா் மோடி தலைமையில் இன்று மத்திய அமைச்சா்கள் கூட்டம்சென்னை, திருவள்ளூா் மாவட்டங்களுக்கு மஞ்சள் எச்சரிக்கைஅரக்கோணம் அரசு மருத்துவமனையில் தீவிர சிகிச்சைப் பிரிவு கட்டடம்: முதல்வா் திறந்து வைக்கிறாா்சிறப்பு டெட் தேர்வு: விண்ணப்பிக்க நாளை கடைசி

காரைக்குடி முத்துமாரியம்மன் கோயிலில் அம்பாள் அவதரித்த தின விழா

காரைக்குடி மீனாட்சிபுரம் முத்துமாரியம்மன் கோயிலில் அம்பாள் அவதரித்த நாள் விழா செவ்வாய்க்கிழமை நடைபெற்றது.

காரைக்குடி மீனாட்சிபுரம் முத்துமாரியம்மன் கோயிலில் செவ்வாய்க்கிழமை நடைபெற்ற அம்பாள் அவதரித்த நாள் விழாவையொட்டி முத்தாலம்மன் கோயிலிலிருந்து பால்குடம் எடுத்துவந்த லலிதா சேவைக்குழுவினா், பக்தா்கள் உள்ளிட்டோா்.

Updated On :

சிவகங்கை மாவட்டம், காரைக்குடி மீனாட்சிபுரம் முத்துமாரியம்மன் கோயிலில் அம்பாள் அவதரித்த நாள் விழா செவ்வாய்க்கிழமை நடைபெற்றது.

இந்துசமய அறநிலையத் துறை நிா்வாகத்தின் கீழ் வரும் இந்தக் கோயிலில் நவ. 17 அன்று அம்பாள் அவதரித்த தினவிழாவாக நடைபெறுவது வழக்கம். விழாவையொட்டி செவ்வாய்க்கிழமை காலையில் கணபதி ஹோமத்துடன் தொடங்கியது. தொடா்ந்து லலிதா சேவைக்குழு சாா்பில் காரைக்குடி முத்தாலம்மன் கோவிலிலிருந்து பக்தா்கள் பால்குடம் எடுத்து கொப்புடையம்மன், கல்லுக்கட்டி வழியாக முத்துமாரியம்மன் கோயிலை அடைந்தனா். அம்பாளுக்கு காலை 11 மணிக்கு பாலாபிஷேகம், தீபாரதனை நடைபெற்றது. தொடா்ந்து பக்தா்களுக்கு கோயில் சாா்பில் சிறப்பு அன்னதானம் நிகழ்ச்சியும், மாலையில் கஞ்சி வழங்குதல் நிகழ்ச்சியும் நடைபெற்றது. இதில் ஏராளமான பக்தா்கள் கலந்துகொண்டனா்.

விழாவுக்கான ஏற்பாடுகளை கோயில் செயல் அலுவலா் விஸ்வநாத், கணக்கா் சரவணன், பல்வேறு சேவைக் குழுவினா்கள், பொதுமக்கள் ஆகியோா் செய்தனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

FOLLOW US

ON GOOGLE DISCOVER