சின்னமனூரில் சின்ன வெங்காயம் விளைச்சல் அமோகம்: விலை குறைவால் விவசாயிகள் வேதனை

சின்னமனூர் பகுதியில் சின்ன வெங்காயம் விளைச்சல் அதிகரித்து,  விலை குறைந்தால்  விவசாயிகள் வேதனை அடைந்தனர். 
கம்பம் பள்ளத்தாக்கில்  சின்னவெங்காயம் அதிகளவில் விளைவிக்கப்படுகிறது. சில வாரங்களுக்கு முன்பு வரையில் சந்தையில் சின்ன வெங்காயம் கிலோ ரூ.70 முதல்  ரூ. 80 வரை விற்கப்பட்டது. 
தேனி மாவட்டத்தில் சின்ன  வெங்காயம் விளைச்சல் குறைந்து நிலையில்,  கடந்த மாதம் வரையில் வெளி மாவட்டத்திலிருந்து வெங்காயம் கொண்டு வரப்பட்டது. 
தென்மேற்கு பருவமழை ஒரளவிற்கு கை கொடுத்த நிலையில் ஜூலை மாதத்திலிருந்து சின்னமனூர் பகுதியில் சின்ன வெங்காயம் அறுவடை தொடங்கியுள்ளது. இதனால்  வரத்து அதிகரித்துள்ளதால் சந்தைகளில் கிலோ ரூ.20 ஆக சரிந்துள்ளது. 
இதுகுறித்து விவசாயிகள் கூறியது: விளைச்சல் அதிகரித்துள்ள நிலையில் ஏக்கருக்கு 6 டன்  வரை அறுவடை செய்யப்பட்டது. ஆனால் விவசாயிகள் எதிர்பாராத நிலையில் கிலோ ரூ.20 ஆக குறைந்துவிட்டது என்றனர்.