கார் மோதி கூலித்தொழிலாளி உள்பட  2 பேர் பலத்த காயம்

போடியில் சாலையில் நடந்து சென்ற கூலித் தொழிலாளி உள்பட 2 பேர் கார் மோதி புதன்கிழமை காயமடைந்தனர். 
 போடி துரைராஜபுரம் காலனியைச் சேர்ந்தவர் தொந்திராஜ் (62). இவர் போடி ஏல விவசாயிகள் சங்கக் கல்லூரி அருகே ஒரு தோட்டத்தில் தங்கி வேலை 
செய்து வருகிறார்.  இவர் போடி-மூணாறு சாலையில் நடந்து சென்று கொண்டிருந்தார். அப்போது கேரள மாநிலத்தில் இருந்து வந்த கார், தொந்திராஜ் மீது மோதியது. 
இதில் பலத்த காயமடைந்த தொந்திராஜ், தேனி அரசு மருத்துக் கல்லூரி மருத்துவமனையில் சிகிச்சைக்காக அனுமதிக்கப்பட்டார். 
மேலும் காரை ஓட்டி வந்த கேரள மாநிலத்தைச் சேர்ந்த ஆரோன் (48) என்பவரும் காயமடைந்தார். விபத்து குறித்து போடி நகர் காவல் நிலைய போலீஸார் வழக்குப்பதிவு 
செய்து விசாரித்து வருகின்றனர்.