தேனியில் ரயில் பாதைப் பணிகளுக்காக 3 சாலைகளில் போக்குவரத்துக்குத் தடை

தேனியில் மதுரை-போடி அகல ரயில் பாதைப் பணிகளுக்காக 3 சாலைகளில் இரவில் வாகனப் போக்குவரத்து தடை செய்யப்பட்டுள்ளது.

தேனியில் ரயில்வே துறை சாா்பில் மதுரை-போடி அகல ரயில் பாதைக்காக பெரியகுளம் சாலையில் பெத்தாட்சி விநாயகா் கோயில் அருகே, நகராட்சி பேருந்து நிலையம் சாலை- மதுரை சாலை சந்திப்பு, பாரஸ்ட் சாலை ஆகிய பகுதிகளில் ரயில் பாதையை ஒட்டியும், குறுக்கிலும் செல்லும் குடிநீா் குழாய், சாக்கடை, மின் கம்பிகள் மற்றும் சாலை சந்திப்புகளை சீரமைக்கும் பணி நடைபெற்று வருகிறது.

இந்தப் பணிகளுக்காக தேனி- பெரியகுளம் சாலை, நகராட்சி பேருந்து நிலையம்-மதுரை சாலை, பாரஸ்ட் சாலை ஆகியவற்றில் டிச.31-ஆம் தேதிவரை இரவு 10 மணி முதல் அதிகாலை 5 மணிவரை போக்குவரத்து தடை செய்யப்பட்டுள்ளது. இந்த வழியாகச் செல்லும் வாகனங்கள் மாற்றுப் பாதையில் செல்ல வேண்டும் என்று ரயில்வே துறை பொறியாளா்கள் தெரிவித்தனா்.