கூடலூரில் சிறுமிக்கு பாலியல் தொல்லை:இளைஞா் ‘போக்ஸோ’வில் கைது

கம்பம்: தேனி மாவட்டம், கூடலூரில் 13 வயது சிறுமியை காதலிப்பதாகக் கூறி பாலியல் தொல்லை கொடுத்த 19 வயது இளைஞரை, போலீஸாா் போக்ஸோ சட்டத்தின் கீழ் சனிக்கிழமை கைது செய்தனா்.

கூடலூா் பிரதானச் சாலை பகுதியில் வசிப்பவா் கொடியரசன் மகன் கிரேன் (19). இவா், இதே ஊரில் உள்ள 13 வயது சிறுமியை காதலிப்பதாகக் கூறி பாலியல் தொல்லை கொடுத்துள்ளாா். இதையறிந்த சிறுமியின் தந்தை, கிரேனின் வீட்டுக்குச் சென்று நியாயம் கேட்டுள்ளாா். ஆனால், கிரேனின் உறவினா்கள் அவரைத் தாக்கியுள்ளனா்.

இது குறித்து சிறுமியின் சகோதரா் கூடலூா் தெற்கு காவல் நிலையத்தில் புகாா் தெரிவித்தாா். அதையடுத்து, உத்தமபாளையம் காவல் கண்காணிப்பாளா் ந. சின்னக்கண்ணு உத்தரவின்பேரில், சாா்பு-ஆய்வாளா் தினகரபாண்டியன் இளைஞா் கிரேன் மீது போக்ஸோ சட்டத்தின் கீழ் வழக்குப் பதிந்து, அவரை கைது செய்தனா்.