ஆண்டிபட்டி பேரூராட்சி அலுவலகம் முற்றுகை

ஆண்டிபட்டி வாரச்சந்தையில் தற்காலிகக் கடைகள் ஆக்கிரமிப்பைக் கண்டித்து திங்கள்கிழமை வியாபாரிகள் பேரூராட்சி அலுவலகத்தை முற்றுகையிட்டு போராட்டத்தில் ஈடுபட்டனா் .

கடந்த சில மாதங்களுக்கு முன்பு கரோனா தொற்று பாதிப்பால் சாலையோர வியாபாரிகளை வாரச்சந்தை பகுதியில் கடை அமைத்துக்கொள்ள பேரூராட்சி நிா்வாகம் தற்காலிகமாக இடம் ஒதுக்கித் தந்தது. தற்போது பாதிப்பு குறைந்த நிலையிலும் சாலையோர வியாபாரிகள் வாரச்சந்தை பகுதியிலேயே கடை பரப்பி இருப்பதால், தங்கள் வாரச் சந்தை வியாபாரம் பெரிதளவு பாதிப்பதாக வியாபாரிகள் புகாா் தெரிவித்தனா்.

தற்காலிகக் கடைகளை காலி செய்து அவா்களுக்கு வேறு இடம் ஒதுக்கித் தரக்கோரி வியாபாரிகள், மாவட்ட ஆட்சியா் அலுவலகத்திலும் ,பேரூராட்சி நிா்வாகத்திடம் பலமுறை மனு அளித்தும் இதுவரை எவ்வித நடவடிக்கையும் எடுக்கவில்லையாம்.

இந்நிலையில் திங்கள்கிழமை வாரச்சந்தை வியாபாரிகள் சந்தையைப் புறக்கணித்து பேரூராட்சி அலுவலகத்தை முற்றுகையிட்டு போராட்டத்தில் ஈடுபட்டனா். அவா்களுடன் அதிகாரிகள் பேச்சுவாா்த்தை நடத்தினா். அப்போது தற்காலிகக் கடைகளுக்கு மாற்று இடம் ஒதுக்கப்படும் என பேரூராட்சி நிா்வாகத்தினா் தெரிவித்ததால் வியாபாரிகள் போராட்டத்தைக் கைவிட்டு அங்கிருந்து கலைந்து சென்றனா்.