கம்பத்தில் நகா்மன்றத் தலைவா், துணைத் தலைவா்பதவிக்கு திமுக வேட்பாளா்கள் அறிவிப்பு

கம்பம் நகா்மன்றத் தலைவா் பதவிக்கு வனிதா நெப்போலியன், துணைத் தலைவா் பதவிக்கு சுனோதா செல்வக்குமாா் ஆகியோரை திமுக தலைமைக் கழகம் வியாழக்கிழமை அறிவித்துள்ளது.

கம்பம் நகராட்சியில் உள்ள 33 வாா்டுகளில் திமுக 24 இடங்களையும், அதன் கூட்டணிக் கட்சிகள் 2 இடங்களிலும் வெற்றி பெற்றுள்ளன. மீதமுள்ள 7 வாா்டுகளில் அதிமுக வெற்றி பெற்றது. இந்நிலையில், நகா்மன்றத் தலைவா் பதவிக்கு வனிதா நெப்போலியனையும், துணைத் தலைவா் பதவிக்கு சுனோதா செல்வக்குமாரையும் வியாழக்கிழமை திமுக தலைமைக் கழகம் அறிவித்துள்ளது. வெள்ளிக்கிழமை இருவரும் வேட்பு மனு தாக்கல் செய்து போட்டியின்றி தோ்வு செய்யப்படுவாா்கள்.