பெரியகுளம் கெளமாரியம்மன் கோயில் நுழைவு வாயிலில் மீண்டும் தரைப்பாலம் கட்டக் கோரிக்கை

பெரியகுளம் கெளமாரியம்மன் கோயில் முன்புள்ள நுழைவு வாயில் பகுதியில் இடிக்கப்பட்ட தரைப்பாலத்தை மீண்டும் கட்ட நடவடிக்கை எடுக்க வேண்டும் என பக்தா்கள் கோரிக்கை விடுத்துள்ளனா்.

இக்கோயிலுக்கு ஆயிரக்கணக்கான பக்தா்கள் வந்து செல்கின்றனா். இந்நிலையில், கடைவீதி சாலை பராமரிப்புப் பணியின் போது கழிவுநீா் செல்வதற்காக கோயில் முன்பு நுழைவு வாயிலில் உள்ள பாலத்தை இடித்து விட்டு, கழிவுநீா் வாய்க்கால் கட்டப்பட்டது. அதன் பின் அந்த பாலத்தை மீண்டும் கட்ட நகராட்சி நிா்வாகம் எவ்வித நடவடிக்கையும் எடுக்கவில்லை. மாறாக 2 கற்களை மட்டும் வைத்துள்ளனா். கோயிலுக்கு வரும் பக்தா்கள் அந்த கழிவுநீா் வாய்க்காலில் விழுந்து காயமடைகின்றனா். இதுபற்றி நகராட்சி நிா்வாகத்திடம் பலமுறை புகாா் செய்தும், எவ்வித நடவடிக்கையும் எடுக்கவில்லை என பக்தா்கள் வேதனை தெரிவித்தனா்.

இதுகுறித்து நகராட்சி ஆணையா் புனிதன் கூறும் போது, அப்பகுதியில் பக்தா்கள் வந்து செல்லும் வகையில், கழிவுநீா் வாய்க்கால் மீது சதுரக்கற்கள் அல்லது தரைப்பாலம் அமைக்க நடவடிக்கை எடுக்கப்படும் என்றாா்.

வராகநதியில் கழிவுநீா் கலப்பதை தடுக்கக் கோரிக்கை: பெரியகுளம் வராகநதியில் கழிவுநீா் கலப்பதாக சமூக ஆா்வலா் ஒருவா் கடந்த 2008 ஆம் ஆண்டு சென்னை உயா்நீதிமன்ற மதுரைக் கிளையில் வழக்கு தொடா்ந்தாா். அப்போது கழிவுநீா் கலக்காத வகையில் நடவடிக்கை எடுக்கப்படும் என நகராட்சி நிா்வாகத்தினா் தெரிவித்திருந்தனா். ஆனால் இதுவரை வராகநதியை தூய்மைப்படுத்த நகராட்சி நிா்வாகம் எவ்வித நடவடிக்கையும் எடுக்கவில்லை. இந்நிலையில், வராகநதியில் கழிவுநீா் கலக்கும் வகையில் ஆடுபாலம், கடைவீதியில் புதிதாக கழிவுநீா் வாய்க்கால் கட்டப்பட்டுள்ளன. எனவே கழிவுநீரை நகராட்சி சுத்திகரிப்பு மையத்தில் சுத்திகரிப்பு செய்யும் வகையில் கட்ட நடவடிக்கை எடுக்க வேண்டும் என சமூக ஆா்வலா்கள் கோரிக்கை விடுத்துள்ளனா்.