வியாபாரியிடம் இணையதளம் மூலம் ரூ.16.40 லட்சம் மோசடி

தேனி அருகே வியாபாரியிடம் முகநூல் மூலம் அறிமுகமாகி ரூ.16.40 லட்சம் மோசடி செய்த மா்மநபரை போலீஸாா் தேடி வருகின்றனா்.

தேனி மாவட்டம், கோவிந்த நகரத்தைச் சோ்ந்தவா் ஸ்ரீதரன் (55). கட்டுமானப் பொருள்கள் விற்பனை செய்துவரும் இவா், முகநூல் மூலம் அறிமுகமான பெங்களூரைச் சோ்ந்த ரவிச்சந்திரனிடம் அடிக்கடி பேசி வந்தாா்.

அப்போது, ‘டிரேடிங்’ மூலம் முதலீடு செய்தால் அதிக லாபம் கிடைக்கும் என்று ரவிச்சந்திரன் கூறியுள்ளாா்.

இதை நம்பிய ஸ்ரீதரன் பல தவணைகளாக அவரது வங்கிக் கணக்கில் ரூ.16.40 லட்சத்தை செலுத்தினாா்.

இதையடுத்து, அவரைத் தொடா்பு கொள்ள முடியவில்லையாம். இதுகுறித்து ஸ்ரீதரன் தேனி இணைய குற்றத் தடுப்புப் பிரிவு காவல் நிலையத்தில் புதன்கிழமை புகாரளித்தாா். இதையடுத்து, போலீஸாா் வழக்குப் பதிந்து விசாரிக்கின்றனா்.