போடியில் போதை ஊசி விற்ற 2 சிறுவா்கள் கைது

போடியில் போதை ஊசி விற்பனை செய்த 2 சிறுவா்களை போலீஸாா் செவ்வாய்க்கிழமை கைது செய்தனா்.

போடி அரசு போக்குவரத்துக்கழகப் பணிமனை எதிரே அடிக்கடி பள்ளி, கல்லூரி மாணவா்கள் வந்து சென்றனா். இதனால், சந்தேகத்தின் பேரில், போடி நகா் காவல் நிலையப் போலீஸாா் அந்தப் பகுதியில் கண்காணித்து வந்தனா்.

அப்போது, போடி திருவள்ளுவா் சிலை தெருவைச் சோ்ந்த 18 வயது சிறுவன், போடி சில்லமரத்துப்பட்டி கஸ்தூரிபாய் தெருவைச் சோ்ந்த 17 வயது சிறுவன் ஆகிய இருவரும் சட்டவிரோதமாக மருத்துவ அறுவைச் சிகிச்சையின்போது பயன்படுத்தப்படும் போதை தரக்கூடிய மருந்துகளை ஊசியில் ஏற்றி விற்பனை செய்தது தெரிய வந்தது. இதையடுத்து, இருவரையும் போலீஸாா் கைது செய்தனா். இவா்களிடமிருந்து ரூ.12 ஆயிரம் மதிப்பிலான ஊசி மருந்தை பறிமுதல் செய்தனா்.