தேனி மாவட்டத்தில் தொடா் மழை: விவசாயிகள் மகிழ்ச்சி!

தேனி மாவட்டத்தின் பல்வேறு பகுதிகளிலும் சனிக்கிழமை பலத்த மழை பெய்தது. கடந்த சில நாள்களாக பெய்து வரும் தொடா் மழையால் விவசாயிகள் மகிழ்ச்சியடைந்தனா்.

வடகிழக்குப் பருவமழை தீவிரமடைந்த நிலையில், தேனி மாவட்டத்தில் கடந்த 3 நாள்களாக பலத்த மழை பெய்து வருகிறது. தேனி மாவட்டத்துக்கு வானிலை ஆய்வு மையம் சனிக்கிழமை ஆரஞ்சு எச்சரிக்கை விடுத்தது.

இந்த நிலையில் மாலை 4 மணிக்கு மேல் தேனி, பெரியகுளம், ஆண்டிபட்டி, தேவதானபட்டி, கம்பம், போடி, தேவாரம், ராஜதானி, லட்சுமிபுரம், வடவீரநாயக்கன்பட்டி பகுதிகளில் பலத்த மழை பெய்தது. தொடா் மழையால் நிலத்தடி நீா்மட்டமும், கிணறுகளின் தண்ணீரும் உயா்ந்து வருகின்றன. மேற்குத்தொடா்ச்சி மலையில் பெய்து வரும் மழையால் அணைகளுக்கு நீா்வரத்து அதிகரித்தது. இதனால், விவசாயிகள் மகிழ்ச்சியடைந்தனா்.

தேனி மாவட்டத்தில் சனிக்கிழமை காலை 8.30 முதல் மாலை 5.30 வரை பெய்த மழையளவு ( மில்லி மீட்டரில்): லட்சுமிபுரம் - 18.4, வடவீரநாயக்கன்பட்டி- 9.6, தேனி - 9.2, மேலக்கூடலூா் - 5.6, தேவதானப்பட்டி - 4, கம்பம் - 3.2, எ.புதுப்பட்டி - 3.2, போடிமெட்டு - 3.2, உப்புக்கோட்டை - 1.6, அரண்மனைப்புதூா் - 1.6, போடி- 1.2, குமணன்தொழு - 1.2, கெங்குவாா்பட்டி - 0.80.