ராஜபாளையத்தில் கழிவுநீர் வாய்க்காலை சுத்தப்படுத்தக் கோரிக்கை

ராஜபாளையத்தில்  அனைத்து வார்டுகளிலும்  உள்ள கழிவுநீர் வாய்க்கால்களை முறையாக சுத்தம் செய்ய வேண்டும் என பொதுமக்கள் கோரிக்கை விடுத்துள்ளனர்.
ராஜபாளையம் நகாராட்சியில் தென்காசி சாலையில் உள்ள அங்கையராஜா தெருவின் முன்பகுதியில் உள்ள கழிவுநீர் வாய்க்காலில் பல நாள்களாக கழிவுநீர் தேங்கி துர்நாற்றம் வீசுகிறது. இதனால் இப்பகுதியில் கொசுத் தொல்லை அதிகரித்துள்ளது. மேலும் தொற்று நோய் பரவும் அபாயமும் ஏற்பட்டுள்ளது.
எனவே ராஜபாளையம் நகராட்சி நிர்வாகம் அனைத்து வார்டுகளிலும் முறையாக சுகாதார மேம்பாட்டுப் பணிகளைச் செய்து, கழிவுநீர் வாய்க்காலை துப்புரவு செய்ய வேண்டும். 
மேலும் கொசு மருந்தை முறையாக தெளிக்க நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.