மதுபாட்டில்கள் பதுக்கிய இளைஞர் கைது

திருச்சுழியில் மதுபாட்டில்கள் பதுக்கிய இளைஞரை போலீஸார் புதன்கிழமை கைது செய்து, 70 மதுபாட்டில்களைப் பறிமுதல் செய்தனர்.
              திருச்சுழி பகுதிகளில் மதுபாட்டில்களை சட்டவிரோதமாக கூடுதல் விலைக்கு சிலர் விற்பதாக போலீஸாருக்கு தகவல் கிடைத்தது. இதன்பேரில் திருச்சுழி காவல் ஆய்வாளர் தெய்வீகப் பாண்டியன் தலைமையில் புதன்கிழமை இரவு திருச்சுழி பகுதிகளில் போலீஸார் தீவிர ரோந்துப் பணியில் ஈடுபட்டனர். அப்போது பிள்ளையார் நத்தம் கிராமத்திலிருந்து இரு சக்கர வாகனத்தில் சாக்குப் பையுடன் வந்த இளைஞரிடம் நடத்திய சோதனையில் சட்டவிரோதமாக விற்பதற்காக 70 மதுபாட்டில்கள் பதுக்கியிருந்தது தெரிந்தது. மேலும் விசாரணையில் மந்தையூரணியைச் சேர்ந்த கருப்பசாமி மகன் விக்னேஷ் பாண்டி(18) என்பதும் தெரிந்தது.
  இதையடுத்து அவரை கைது செய்து மதுபாட்டில்களை பறிமுதல் செய்தனர்.