விருதுநகர் ஸ்ரீநிவாச பெருமாள் கோயிலில் பிரம்மோற்சவ விழா கொடியேற்றம்

விருதுநகர் ரயில்வே பீடர் சாலையில் அமைந்துள்ள ஸ்ரீநிவாச பெருமாள் கோயிலில் பிரம்மோற்சவ விழாவை முன்னிட் டு வியாழக்கிழமை கொடியேற்றம் நடைபெற்றது.
 விருதுநகர், ரயில்வே பீடர் சாலையில் உள்ள ராமர் கோயில் வளாகத்தில் ஸ்ரீநிவாச பெருமாள் மற்றும் பத்மாவதி தாயார் ஆலயம் உள்ளது. வருடாந்திர பிரம்மோற்சவ விழாவை முன்னிட்டு கோயிலில் வியாழக்கிழமை கொடியேற்றம் நடைபெற்றது. அப்போது, பூதேவி மற்றும் ஸ்ரீதேவியுடன் ஸ்ரீநிவாச பெருமாள் சிறப்பு அலங்காரத்தில் காட்சியளித்தார். 
இதில் ஏராளமான பக்தர்கள் கலந்து கொண்டு சுவாமி தரிசனம் செய்தனர். இதை தொடர்ந்து ஒவ்வொரு நாளும், சுவாமி சேஷ வாகனம், அன்னவாகனம், கருட வாகனம், யானை வாகனம், அனுமன் வாகனம், குதிரை வாகனத்தில் ஊர்வலம் வந்து பக்தர்களுக்கு அருள்பாலிக்க உள்ளார். 
அதேபோல், கோயிலில் தினந்தோறும் திவ்ய பிரபந்தம், வேத பாராயணம் நடைபெற உள்ளது. இதற்கான ஏற்பாடுகளை கோயில் நிர்வாகத்தினர் செய்துள்ளனர்.