விருதுநகரில் மின்வாரிய தொழிலாளர்கள் ஆர்ப்பாட்டம்

விருதுநகர் மின்வாரிய மேற்பார்வை பொறியாளர் அலுவலகம் முன்பு பல்வேறு கோரிக்கைகளை வலியுறுத்தி தொழிலாளர்கள் வியாழக்கிழமை ஆர்ப்பாட்டத்தில் ஈடுபட்டனர்.
 தமிழ்நாடு மின்வாரிய பணியாளர்கள் சங்கம் சார்பில் நடைபெற்ற இந்த ஆர்ப்பாட்டத்திற்கு மாவட்ட தலைவர் மணிகண்டன் தலைமை வகித்தார். இதில் மின் விநியோகத்தை தனியாரிடம் ஒப்படைக்கக் கூடாது. கடந்த பிப்ரவரி மாதம் 22 ஆம் தேதி ஏற்பட்ட முத்தரப்பு ஒப்பந்தபடி புதிய பதவிகளை உடனே அனுமதித்திட வேண்டும். ஒப்பந்த தொழிலாளர்களுக்கு தினக்கூலியாக ரூ. 380 வழங்க வேண்டும். பகுதி நேர பணியாளர்களை அனைத்து பிரிவு அலுவலகங்களுக்கும் செல்ல அனுமதிக்க வேண்டும். தமிழக அரசு ஓய்வூதியர்களுக்கு வழங்குவது போல், மின் வாரிய ஓய்வூதியர்களுக்கும் மருத்துவ காப்பீடு வழங்க வேண்டும். ஒப்பந்த தொழிலாளர்கள் பணி காலத்தையும் கணக்கில் கொண்டு பணிக்கொடை மற்றும் ஓய்வூதியம் வழங்க வேண்டும் என்பன உள்ளிட்ட 16 அம்ச கோரிக்கைகளை வலியுறுத்தினர். இதில், ஏராளமான தொழிலாளர்கள் கலந்து கொண்டனர்.