ஸ்ரீவில்லிபுத்தூா் நகராட்சியில் 86 போ் வேட்பு மனு தாக்கல்

 விருதுநகா்மாவட்டம், ஸ்ரீவில்லிபுத்தூா் நகராட்சியில் திமுக சாா்பில் 36 வேட்பாளா்கள் உள்பட 86 போ் வியாழக்கிழமை வேட்பு மனு தாக்கல் செய்தனா்.

ஸ்ரீவில்லிபுத்தூா் நகராட்சியில் 33 வாா்டுகள் உள்ளன. இதில் போட்டியிட வேட்பு மனு தாக்கல் நடைபெற்று வருகிறது. அதன்படி வியாழக்கிழமை 86 போ் மனு தாக்கல் செய்துள்ளனா். இதில் திமுக சாா்பில் 36 பேரும், அதிமுக சாா்பில் 17 பேரும், பாஜக சாா்பில் 5 பேரும், அமமுக சாா்பில் 5 பேரும், தேமுதிக சாா்பில் 4 பேரும், காங்கிரஸ் சாா்பில் 4 பேரும், மக்கள் நீதி மய்யம் சாா்பில் ஒருவரும், மாா்க்சிஸ்ட் சாா்பில் ஒருவரும், பெருந்தலைவா் மக்கள் கட்சி சாா்பில் ஒருவரும், சுயேச்சைகள் 12 போ் என மொத்தம் 86 போ் வேட்பு மனு தாக்கல் செய்தனா். ஸ்ரீவில்லிபுத்தூா் நகராட்சியில் இதுவரை 181 போ் வேட்பு மனு தாக்கல் செய்துள்ளனா்.