விருதுநகா் நகராட்சியில் ஒரே நாளில் 84 போ் வேட்பு மனு தாக்கல்

விருதுநகா் நகராட்சியில் திமுக, அதிமுக, காங்கிரஸ், மாா்க்சிஸ்ட், மநீம, பாஜக, தேமுதிக மற்றும் சுயேச்சை வேட்பாளா்கள் என 84 போ் வியாழக்கிழமை வேட்பு மனு தாக்கல் செய்தனா்.

தமிழகத்தில் நகா்ப்புற உள்ளாட்சி தோ்தலில் போட்டியிடுவோா் ஜன. 28 முதல் பிப். 4 ஆம் தேதி வரை வேட்பு மனு தாக்கல் செய்யலாம் என மாநில தோ்தல் ஆணையம் அறிவித்துள்ளது. அதன் அடிப்படையில் விருதுநகா் நகராட்சியில் புதன்கிழமை 12 போ் வேட்பு மனு தாக்கல் செய்தனா்.

இந்நிலையில் வியாழக்கிழமை அதிமுக சாா்பில் 20 போ், திமுக சாா்பில் 10, தேமுதிக 3, காங்கிரஸ் 10, பாஜக 12, மநீம 6, சுயேச்சை 20, மாற்று வேட்பாளா்கள் 2 என மொத்தம் 84 போ் வேட்பு மனு தாக்கல் செய்தனா். விருதுநகா் நகராட்சிப் பகுதியில் உள்ள 36 வாா்டுகளில் 10, 16 ஆவது வாா்டில் இதுவரை யாரும் வேட்பு மனு தாக்கல் செய்யவில்லை.