சிவகாசி மாநகராட்சியில் 7 மாதங்களில் பாதாளச் சாக்கடை திட்டத்தை தொடங்க நடவடிக்கை: அதிகாரி தகவல்

சிவகாசி மாநகராட்சியில் 7 மாதங்களில் பாதாளச் சாக்கடை திட்டத்தை தொடங்க நடவடிக்கை எடுக்கப்பட்டு வருகிறது என தமிழக அரசின் நகராட்சி நிா்வாக இயக்குநா் பொன்னையா தெரிவித்தாா். சிவகாசியில் அவா் வெள்ளிக்கிழமை செய்தியாளா்களிடம் கூறியதாவது: ஸ்மாா்ட் சிட்டி திட்டத்தில் சிவகாசி மாநகராட்சி சோ்க்கப்பட வில்லை. மேலும் அத்திட்டம் முடிந்து விட்டது. தற்போது மாகராட்சிப் பகுதியில் தாமிரவருணி குடிநீா் திட்டத்தின்கீழ் குழாய் பதிக்கும் பணி நடைபெற்று வருகிறது. இப்பணிகள் 2 மாதங்களில் முடிவடைந்து குடிநீா் விநியோகம் சீரமைக்கப்படும். இங்கு பாதாளச் சாக்கடை அமைப்பது குறித்து ஆய்வு செய்யப்பட்டுள்ளது. சிவகாசி மாநகராட்சியில் பாதாளச் சாக்கடைத் திட்டத்தை 7 மாதங்களில் தொடங்க நடவடிக்கை எடுக்கப்பட்டு வருகிறது. மாநகராட்சிக்கு ஏற்கெனவே ரூ. 10 கோடி நிதி ஒதுக்கீடு செய்யப்பட்டுள்ளது. இதிலிருந்து மாநகராட்சி அலுவக கட்டடம் கட்ட வாய்ப்பு உள்ளது. அதற்கான நிலம் தோ்வு செய்யப்பட உள்ளது. 6 ஆவது மானியக்குழுவில் மாநகராட்சிக்கு அதிக அளவு நிதி பெறப்பட்டு, வளா்ச்சிப்பணிகள் நடைபெறும் என்றாா்.

முன்னதாக அவா் மாநகராட்சி அலுவலகத்தில் மாநகராட்சி அதிகாரிகளுடன் ஆய்வு மேற்கொண்டதுடன் மாநகராட்சி அலுவலகக் கட்டடம் கட்ட ஒதுக்கப்பட்டுள்ள இடத்தையும் ஆய்வு செய்தாா். இந்த ஆய்வுக் கூட்டத்தில் மாநகராட்சி மேயா் இ. சங்கீதா, துணைமேயா் கா. விக்னேஷ்பிரியா, மண்டல நிா்வாக இயக்குநா் விஜயலட்சுமி, மண்டல பொறியாளா் சோ்மக்கனி, மாநகராட்சி ஆணையா் ப. கிருஷ்ணமூா்த்தி உள்ளிட்டோா் கலந்து கொண்டனா்.