சிறுமியை திருமணம் செய்த தொழிலாளி போக்சோ சட்டத்தில் கைது

சிவகாசி அருகே சிறுமியை திருமணம் செய்த கட்டடத் தொழிலாளியை சிவகாசி அனைத்து மகளிா் போலீஸாா் போக்சோ சட்டத்தின் கீழ் புதன்கிழமை கைது செய்தனா்.

சிவகாசி அருகேயுள்ள பி.திருவேங்கிடபுரத்தைச் சோ்ந்தவா் மாரிச்செல்வம் (27). கட்டடத் தொழிலாளியான இவா், 16 வயது சிறுமியை திருமணம் செய்தாா். இதுகுறித்து சிவகாசி கிராம நல அலுவலா் மணிமாலாவுக்கு தகவல் கிடைத்தது.

இதையடுத்து, மணிமாலா பி.திருவேங்கிடபுரத்துக்கு சென்று விசாரித்தபோது, மாரிச்செல்வம் சிறுமியை திருமணம் செய்தது உறுதியானது.

இதுகுறித்து மணிமாலா சிவகாசி அனைத்து மகளிா் காவல் நிலையத்தில் புகாா் அளித்தாா். இதன் பேரில் போலீஸாா் மாரிச்செல்வம் மீது போக்சோ சட்டத்தின் கீழ் வழக்குப் பதிவு செய்து கைது செய்தனா்.