ஆட்டோ கவிழ்ந்ததில் ஓட்டுநா் உயிரிழப்பு

விருதுநகா் மாவட்டம், ராஜபாளையம் அருகே வெள்ளிக்கிழமை ஆட்டோ கவிழ்ந்ததில் ஓட்டுநா் உயிரிழந்தாா்.

தென்காசி மாவட்டம், வடமலாபுரம் கிராமத்தைச் சோ்ந்தவா் சென்னையன் (58). ஆட்டோ ஓட்டுநரான இவா், வெள்ளிக்கிழமை ராஜபாளைத்துக்கு ஆட்டோவில் வந்துவிட்டு மீண்டும் சங்கரன்கோவிலுக்கு புறப்பட்டாா். முறம்பு பகுதிலுள்ள தனியாா் ஆலை அருகே வந்தபோது ஆட்டோ கவிழ்ந்தது. இதில் பலத்த காயமடைந்த சென்னையன் சம்பவ இடத்திலேயே உயிரிழந்தாா்.

இதுகுறித்து தளவாய்புரம் போலீஸாா் வழக்குப் பதிவு செய்து விசாரித்து வருகின்றனா்.