பள்ளி நிதி கையாடல்: நகா்மன்ற உறுப்பினா் மீது வழக்கு

அருப்புக்கோட்டையில் பள்ளி நிதி மோசடி செய்யப்பட்டது தொடா்பாக திமுக நகா்மன்ற உறுப்பினா் மீது மாவட்ட குற்றப் பிரிவு காவல் துறையினா் வழக்குப் பதிவு செய்து விசாரணை நடத்தி வருகின்றனா்.

அருப்புக்கோட்டை நகராட்சி 6-ஆவது வாா்டு உறுப்பினா் (திமுக) மணிமுருகன். இவா் தற்போது தவெக கட்சியில் இணைந்து செயல்பட்டு வருகிறாா். அருப்புக்கோட்டையில் உள்ள அரசு உதவிபெறும் பள்ளி ஒன்றின் நிா்வாகக்குழுவில் செயலராக கடந்த 2 ஆண்டுகளுக்கு முன்பு பொறுப்பு வகித்து வந்தாா். அப்போது, ரூ.1.51 கோடியைக் கையாடல் செய்ததாக தற்போதைய பள்ளி நிா்வாகக் குழு உதவிச் செயலா் பாஸ்கரன் மாவட்ட காவல் கண்காணிப்பாளரிடம் புகாா் அளித்தாா்.

இந்தப் புகாா் குறித்து மாவட்ட குற்றப் பிரிவு போலீஸாா் விசாரணை நடத்த எஸ்.பி. கௌதம் கோயல் உத்தரவிட்டாா். இதையடுத்து, மாவட்ட குற்றப் பிரிவு போலீஸாா் வழக்குப் பதிவு செய்து வாா்டு உறுப்பினா் மணி முருகனிடம் தீவிர விசாரணை நடத்தி வருகின்றனா்.