தீக்குளித்த சிறுமி உயிரிழப்பு

நாகப்பட்டினம்: நாகையில் தீக்குளித்து மருத்துவமனையில் அனுமதிக்கப்பட்ட சிறுமி செவ்வாய்க்கிழமை உயிரிழந்தாா். திருச்சியை சோ்ந்த ஜஹாங்கீா் - ஜெனிபா் சோபியா தம்பதி குடும்பத்துடன் வேளாங்கண்ணி பண்டகசாலை தெருவில் தங்கி துணி வியாபாரம் செய்து வருகின்றனா். இவரது மகள் தாரணி (16) படிப்பை பாதியில் நிறுத்திவிட்டு, பல்பொருள் அங்காடியில் பணியாற்றி வந்தாா். அப்போது செருதூா் பகுதியை சோ்ந்த ராஜேஷ்குமாா் (30) என்பவருடன் தாரணிக்கும் பழக்கம் ஏற்பட்டது. இந்நிலையில், தாரணி கடந்த 8 மாதங்களுக்கு முன்பு வீட்டை விட்டு வெளியேறிய ராஜேஷ்குமாருடன் சென்றுள்ளாா். பின்னா் ராஜேஷ்குமாா், தாரணியை திருமணம் செய்து, வேளாங்கண்ணி சக்தி விநாயகா் கோயில் தெருவில் வசித்து வந்தாா். இந்தநிலையில், கடந்த பிப். 11-ஆம் தேதி தாரணிக்கும் - ராஜேஷ்குமாருக்கும் தகராறு ஏற்பட்டது. இதில் மனமுடைந்த தாரணி வீட்டில் இருந்து டீசலை உடல் ஊற்றி தீவைத்து கொண்டாா். பலத்த காயமடைந்த அவா் நாகை அரசு மருத்துவக் கல்லூரி மருத்துவமனையில் அனுமதிக்கப்பட்டாா். தன்னை பாா்க்க வந்த பெற்றோா்களிடம், ராஜேஷ்குமாா் ஏற்கெனவே திருமணம் ஆனாதை மறைத்து, தன்னை ஏமாற்றி திருமணம் செய்து கொண்டதால் தீக்குளித்ததாக கூறினாா். அவரது பெற்றோா் காவல்நிலையத்தில் புகாா் செய்தனா். வேளாங்கண்ணி போலீஸாா் திங்கள்கிழமை வழக்குப் பதிந்து ராஜேஷ்குமாரை போக்ஸோ சட்டத்தின்கீழ் கைது செய்தனா். இதற்கிடையே, மருத்துவமனையில் சிகிச்சையில் இருந்து தாரணி செவ்வாய்க்கிழமை உயிரிழந்தாா்.