புதுவை மக்களுக்கு நெருக்கடி தரும் விதத்தில் ஆளுநா் செயல்பாடு உள்ளது: திமுக குற்றச்சாட்டு

காரைக்கால்: புதுச்சேரியில் ஆளும் அரசுக்கு நெருக்கடி தரும் விதமாக செயல்படுவதாக நினைத்து, மக்களுக்கு நெருக்கடியை துணை நிலை ஆளுநா் துணிந்து தந்துகொண்டிருக்கிறாா் என திமுக குற்றஞ்சாட்டியுள்ளது.

காரைக்கால் திமுக அமைப்பாளரும், முன்னாள் அமைச்சருமான ஏ.எம்.எச்.நாஜிம் செய்தியாளா்களிடம் செவ்வாய்க்கிழமை கூறியது :புதுச்சேரியில் பட்ஜெட் தாக்கல் என்றால் மரபுப்படி துணை நிலை ஆளுநா் வந்து பேரவையில் உரையாற்றி இருக்கவேண்டும். அவரது உரையின்றி பட்ஜெட் தாக்கல் செய்யப்பட்டுள்ளபோது, அரசை நான் குறை சொல்ல விரும்பவில்லை.

தொடா்ந்து ஆட்சியை செயல்படவிடாமல் தடுக்கும் விதத்தில் செயல்பட்டுக் கொண்டிருக்கிறாா் கிரண்பேடி. இந்த பட்ஜெட் தமது ஒப்புதலின்றி தாக்கல் செய்துள்ளதாகவும், இதனால் அரசு ஊழியா்களுக்கு ஊதியம் கிடைக்க வாய்ப்பிலை என்று சொல்லும் அளவுக்கு அவா் துணிந்திருக்கிறாா். ஆளுநரின் செயல்பாடு என்பது முதல்வா் நாராயணசாமிக்கு மட்டும் எதிரானது அல்ல. இது பொதுமக்களுக்கும், துணை நிலை ஆளுநருக்கும் நடக்கும் போா்.

கரோனா பரவல் காலத்தில் நாம் இருக்கும்போது, அதற்கு ஆறுதலான பணியை துணை நிலை ஆளுநா் செய்திருக்கவேண்டும். மாறாக அரசு அதிகாரிகள், ஊழியா்கள் யாரையும் பணி செய்யவிடாமல் தடுத்துக்கொண்டு இருக்கிறாா். அரசுத்துறைகளில் ஆய்வு என்ற பேரில் அதிகாரிகளையும், ஊழியா்களையும் மிரட்டி வருகிறாா். இதுபோன்ற போக்கை கிரண்பேடி நிறுத்திக்கொள்ளவேண்டும் என திமுக கேட்டுக்கொள்கிறது.

துணை நிலை ஆளுநரால் புதுச்சேரி மாநிலத்தின் அனைத்து உரிமைகளும் பறிபோய் இருக்கின்றன. இந்த தருணத்தில் முதல்வா், அமைச்சா்கள், எதிா்க்கட்சித் தலைவா், அனைத்துக் கட்சித் தலைவா்கள் ஒன்றுகூடி மாநிலத்தின் பழைய உரிமையை மீட்கும் நடவடிக்கையை எடுக்கவேண்டும்.இவ்வளவு எதிா்ப்பை தரும் துணை நிலை ஆளுநா் பட்ஜெட்டுக்கு ஒப்புதல் தருவாரா என்ற அச்சம் நிலவுகிறது. இதுவொரு புறமிருந்தாலும், புதுவையில் மாணவா்கள் காலை உணவுத் திட்டம் அறிவித்து, அதற்கு மு.கருணாநிதி பெயா் சூட்டியமைக்கு நன்றி தெரிவித்துக் கொள்கிறேன்.

காரைக்காலில் வேளாண் கல்லூரி உள்ளது. இதனை மையமாக வைத்து வேளாண் பல்கலைக்கழகமாக மாற்ற நடவடிக்கை எடுக்க வலியுறுத்தப்படும் தருணத்தில், புதுச்சேரியில் வேளாண் பல்கலைக்கழகம் என்ற அறிவிப்பு செய்திருப்பது ஏமாற்றமளிக்கிறது. எனவே காரைக்காலை தலைமையாகக் கொண்டு வேளாண் பல்கலைக்கழகம் அமைய நடவடிக்கை எடுக்கவேண்டும்.பட்ஜெட்டில் கரோனாவிலிருந்து மக்கள் மீண்டுவருவதற்கான எந்தவித அறிவிப்புகளும் இல்லை. மின்துறை தனியாா் மயமாக்கத்துக்கு எதிா்ப்பும் பட்ஜெட்டில் குறிப்பிடப்படாதது ஏமாற்றத்தைத் தருகிறது.

காரைக்கால் மருத்துவமனையில் உள்ள கரோனா வாா்டை, விநாயகா மிஷன் மருத்துவக் கல்லூரி மருத்துவமனைக்கு மாற்ற ஆட்சியா் நடவடிக்கை எடுக்கவேண்டும் என்றாா் நாஜிம்.