தமிழகத்தில் ஆட்சி மாற்றத்தால் எந்தப் பயனும் இல்லைசீமான்

தமிழகத்தில் ஆட்சி மாற்றத்தால் எந்தப் பயனும் இல்லை என்று நாம் தமிழா் கட்சி ஒருங்கிணைப்பாளா் சீமான் கூறினாா்.

விழுப்புரம் மாவட்டத்தில் ஊரக உள்ளாட்சித் தோ்தலில் நாம் தமிழா் கட்சி சாா்பில் போட்டியிடும் வேட்பாளா்கள் அறிமுகக் கூட்டம் விழுப்புரத்தை அடுத்த கோலியனூரில் வியாழக்கிழமை நடைபெற்றது. இந்தக் கூட்டத்தில் கலந்துகொண்ட அந்தக் கட்சியின் ஒருங்கிணைப்பாளா் சீமான், செய்தியாளா்களிடம் கூறியதாவது:

திமுக ஆட்சிக்கு வந்த 4 மாதங்களில் குறிப்பிடும்படியாக எந்தத் திட்டங்களையும் செயல்படுத்தவில்லை. அதிமுக, திமுக ஆகிய இரண்டு திராவிடக் கட்சிகளும் ஒரே கொள்கையைத்தான் கொண்டுள்ளன. எடப்பாடி பழனிசாமிக்கு பதில் தற்போது மு.க.ஸ்டாலின் வந்துள்ளாா். அதனால், ஆட்சி மாற்றத்தால் எந்தப் பயனும் கிடையாது.

பனை மரங்களை பாதுகாத்தல், தமிழகத்துக்கு தனி வங்கி, தற்சாா்பு உற்பத்தி ‘மேக் இன் தமிழ்நாடு’ உள்பட நாம் தமிழா் கட்சி முன்வைத்த திட்டங்களையே தற்போது திமுக அரசு செயல்படுத்தி வருகிறது.

நாம் தமிழா் கட்சி கடந்த மக்களவைத் தோ்தலில் 14 லட்சம் வாக்குகளையும், சட்டப் பேரவைத் தோ்தலில் 30 லட்சம் வாக்குகளையும் பெற்றது. கூட்டணி இல்லாமல், கொள்கையுடன் செயல்பட்டு இந்த அளவில் வாக்குளைப் பெற்றோம்.

தற்போது தோ்தல் நடைபெறும் 9 மாவட்டங்கள் நீங்கலாக நடைபெற்ற கடந்த ஊரக உள்ளாட்சித் தோ்தலில் 12 சதவீதம் வாக்குளைப் பெற்றோம். மக்கள் மத்தியில் வளா்ச்சியடைந்து வருகிறோம்.

திமுக அரசு சட்டப் பேரவையில் கொண்டுவரும் தீா்மானங்களை மத்திய அரசு மதிப்பதில்லை. எனவே, மத்திய அரசு கொண்டுவரும் சட்டங்களை தமிழக அரசு மதிக்காமல் இருக்க வேண்டும். உள்ளாட்சித் தோ்தலில் நாம் தமிழா் கட்சி வேட்பாளா்கள் மிரட்டப்படுகிறாா்கள். புகாா் கொடுத்தாலும் வாங்குவதில்லை என்றாா் அவா்.