மத அடிப்படையில் வாக்கு சேகரிக்கக் கூடாது: தோ்தல் அதிகாரி

சமாதானக் குழுவினருக்கு ஆலோசனை வழங்கிய மாவட்ட தோ்தல் அதிகாரி து.மணிகண்டன். காரைக்கால், மாா்ச் 22 : வழிபாட்டுத் தலங்களில் மத அடிப்படையில் வாக்கு சேகரிப்பு கூடாது என சமாதானக் குழுவினருக்கு தோ்தல் அதிகாரி அறிவுறுத்தினாா். காரைக்காலில் சமாதானக்குழு உறுப்பினா்களுடன் மாவட்ட ஆட்சியரும், மாவட்ட தோ்தல் அதிகாரியுமான து. மணிகண்டன் ஆட்சியரகத்தில் வியாழக்கிழமை ஆலோசனை நடத்தினாா். மக்களவைத் தோ்தல் நடத்தை விதிகளை சமாதானக் குழுவினருக்கு விளக்கிக் கூறிய அவா், வழிபாட்டுத் தலங்களில் மத அடிப்படையில் வாக்குகள் சேகரிக்கக் கூடாது. மாவட்டத்தில் அமைதியை நிலைநாட்ட அனைவரும் ஒத்துழைக்கவேண்டும். சமாதானக் குழுவில் அனைத்து மதத்தினரும் அங்கத்தினராக உள்ள நிலையில், தோ்தல் அமைதியாக நடைபெற மாவட்ட நிா்வாகத்துக்கு ஒத்துழைப்பு அளிக்க வேண்டும் என்றாா். வாக்குப்பதிவு நாளின்போது முதியோா்கள் நீண்ட வரிசையில் காத்திருக்க நேரிடுகிறது. முதியவா்கள் விரைவாக வாக்குப் பதிவு செய்ய வசதி ஏற்படுத்தவேண்டும் என கூட்டத்தில் பங்கேற்றோா் கேட்டுக்கொண்டனா். இதுகுறித்து உரிய நடவடிக்கை எடுக்கப்படும் என ஆட்சியா் உறுதியளித்தாா்.