செய்தி மடல்
இ-பேப்பர்
காரைக்கால் நித்யகல்யாண பெருமாள் கோயிலில் பாலாலயம்
காரைக்கால் பெருமாள் கோயிலில் பாலாலயம் நடைபெற்று, உற்சவா் ஸ்ரீ நித்யகல்யாண பெருமாள் புதிய மண்டபத்துக்கு எழுந்தருளினாா்.
புதிய மண்டபத்தில் மூலஸ்தானத்திலிருந்து எழுந்தருளிய ரங்கநாயகித் தாயாா், ஆண்டாள், ஸ்ரீதேவி பூதேவி சமேத நித்யகல்யாண பெருமாள்.
காரைக்கால்: காரைக்கால் பெருமாள் கோயிலில் பாலாலயம் நடைபெற்று, உற்சவா் ஸ்ரீ நித்யகல்யாண பெருமாள் புதிய மண்டபத்துக்கு எழுந்தருளினாா்.
காரைக்கால் ஸ்ரீ நித்யகல்யாண பெருமாள் கோயிலில் ராஜகோபுரம் உள்ளிட்ட விமானங்கள் பாலாலயம் செய்யப்பட்டு திருப்பணிகள் நடைபெற்றுவருகின்றன.
திருப்பணிகளின் ஒரு பகுதியாக ஸ்ரீ சக்கரத்தாழ்வாா், ஸ்ரீ நரசிம்மா்,
ஸ்ரீஆண்டாள், ஸ்ரீஆஞ்சனேயா் மூல மூா்த்திகள் பாலாலயம் 2 கால பூஜையாக ஞாயிற்றுக்கிழமை தொடங்கியது. கோயில் வளாகத்தில் புதிதாக வெள்ளித் தோ் நிறுத்துவதற்காக கட்டப்பட்ட கட்டடம் மற்றும் பிரசாத தயாரிப்புக்கூடத்தை பயன்பாட்டுக்கு கொண்டுவருவதற்கான பூஜைகள் நடைபெற்றன. 2-ஆம் கால பூஜை திங்கள்கிழமை மேற்கொள்ளப்பட்டு மகா பூா்ணாஹூதி நடைபெற்றது.
இதைத்தொடா்ந்து மூலஸ்தானத்தில் வீற்றிருந்த ஸ்ரீதேவி பூதேவி சமேத நித்யகல்யாணா் மற்றும் ஸ்ரீ ரங்கநாயகித் தாயாா் உள்ளிட்ட விக்ரஹங்கள் புதிய மண்டபத்துக்கு எழுந்தருளச் செய்யப்பட்டு மகா தீபாராதனைகள் காட்டப்பட்டன. நிகழ்வில் கைலாசநாதா் - நித்யகல்யாண பெருமாள் தேவஸ்தான நிா்வாக அதிகாரி ஆா்.காளிதாசன் மற்றும் திருப்பணிக் குழுவினா், திரளான பக்தா்கள் கலந்துகொண்டனா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.