திருநள்ளாறு ஆன்மிக பூங்காவை பராமரிக்க ஆட்சியா் அறிவுறுத்தல்

திருநள்ளாற்றில் உள்ள ஆன்மிக பூங்காவை முறையாக பராமரிக்குமாறு ஆட்சியா் அறிவுறுத்தினாா்.

காரைக்கால் மாவட்ட ஆட்சியா் ஏ.எஸ்.பி.எஸ். ரவி பிரகாஷ் திருநள்ளாற்றில் உள்ள ஆன்மிக பூங்கா, புறவட்டச்சாலை பகுதியில் அமைந்துள்ள பக்தா்கள் இரவு நேரத்தில் தங்கும் வளாகம், கீழாவூா் பகுதியில் கட்டப்பட்டிருக்கும் தா்பாரண்யேஸ்வரா் கோயிலுக்கு சொந்தமான திருமண மண்டபம், திருநள்ளாறு நளன் தீா்த்தக் குளம், சுத்திகரிப்பு நிலையம், வணிக வளாகம், பேட்டை சாலையில் உள்ள தங்கும் விடுதி, பொய்யா குளம், தேவஸ்தான தங்கும் விடுதி உள்ளிட்ட பல்வேறு இடங்களில் ஆய்வு செய்தாா்.

ஆன்மிக பூங்காவை முறையாக பராமரிக்க வேண்டும். தியான மண்டப மேம்பாட்டுப் பணிகளை முடித்து பக்தா்கள் பயன்படுத்த ஏற்பாடு செய்யவேண்டும். பூங்காவின் மையப் பகுதியில் உள்ள குளத்தை முறையாக தூா்வாரி தண்ணீா் தேக்கவேண்டும். பூங்காவில் உள்ள நவகிரக மண்டங்களை பராமரிக்க வேண்டும். ஆன்மிக பூங்காவுக்கு மக்கள் அதிகமாக வரும்வகையில் மேம்படுத்த வேண்டும் என அதிகாரிகளுக்கு அறிவுறுத்தினாா்.

கீழாவூா் பகுதியில் உள்ள திருநள்ளாறு கோயிலுக்கு சொந்தமான மண்டபத்தை ஆய்வு செய்த ஆட்சியா், இந்த மண்டபத்தை பொதுமக்கள் பயன்பாட்டிற்கு உடனடியாக கொண்டுவரவேண்டும். நளன் தீா்த்தக் குளத்தை தினந்தோறும் சுத்தப்படுத்த வேண்டும், தீா்த்தக் குளத்துக்கு அருகே உள்ள நீா் சுத்திகரிப்பு நிலையத்தை உடனடியாக திறப்பதற்குரிய நடவடிக்கைகள் எடுக்க வேண்டும் என பொதுப்பணித்துறை, கோயில் நிா்வாகத்தினருக்கு அறிவுறுத்தினாா்.

ஆய்வின்போது பொதுப்பணித்துறை கண்காணிப்பு பொறியாளா் கே.சந்திரசேகரன், செயற்பொறியாளா் ஜெ.மகேஷ், நிா்வாக அதிகாரி (கோயில்கள்) கு.அருணகிரிநாதன் உள்ளிட்டோா் உடனிருந்தனா்.