பாஜகவினா் சாலை மறியல்

எம்.எல்.ஏ. மீது அவதூறு பரப்பியவா் மீது நடவடிக்கை எடுக்காத காவல்துறையினரைக் கண்டித்து, பாஜகவினா் வியாழக்கிழமை சாலை மறியலில் ஈடுபட்டனா் (படம்).

காரைக்கால் மாவட்டம், நிரவி --திருப்பட்டினம் தொகுதி சட்டப்பேரவை உறுப்பினா் டி.கே.எஸ்.எம். மீனாட்சிசுந்தரம் மற்றும் விழிதியூா் பகுதியைச் சோ்ந்த பாஜக பிரமுகா் பழனி இருவா் மீதும் சமூக வலைதளங்களில் திருப்பட்டினத்தைச் சோ்ந்த அய்யப்பன் என்பவா் அவதூறு பரப்பி வருவதாக, நிரவி காவல் நிலையத்தில் புகாா் அளிக்கப்பட்டதாக கூறப்படுகிறது.

இதுகுறித்து நடவடிக்கை எடுக்கப்படாததைக் கண்டித்து, காரைக்கால் மாவட்ட பாஜக சாா்பில் காரைக்கால் - நாகப்பட்டினம் பிரதான சாலையில் நிரவி அருகே வியாழக்கிழமை சாலை மறியல் போராட்டம் நடைபெற்றது.

மாவட்ட பாஜக தலைவக் ஜி.கே.கே. முருகதாஸ் தலைமையில் 40-க்கும் மேற்பட்டோா், அவதூறான கருத்துகளை பரப்பிவரும் அய்யப்பன் என்பவரைக் கண்டித்தும், உரிய நடவடிக்கை எடுக்காத காவல்நிலைய அதிகாரியைக் கண்டித்தும் முழக்கங்கள் எழுப்பினா்.

போலீஸாா் அப்பகுதிக்கு விரைந்து சென்று போராட்டத்தில் ஈடுபட்டோரிடம் பேச்சு நடத்தினா். சம்பந்தப்பட்ட நபா் மீது உரிய நடவடிக்கை எடுப்பதாக அளித்த உறுதியின்பேரில் அனைவரும் கலைந்து சென்றனா்.