இன்று கரையைக் கடக்கிறது ‘அக்வான்’ புயல்: 1 லட்சத்துக்கும் மேற்பட்டோா் பாதுகாப்பான இடங்களில் தங்கவைப்புகாற்றின் தரம் ‘மோசம்’ பிரிவில் 280 ஆக உயா்வு: நாளைவரை ‘மிக மோசம்’ பிரிவுக்கு செல்ல வாய்ப்பு100 புதிய மின்சார பேருந்துகள் இன்று அறிமுகம்: மொத்த பேருந்துகளின் எண்ணிக்கை 7,000-ஐ தாண்டியது ராகுலை விட ‘ஏஐ’ சிறப்பாகச் செயல்படும்! பாஜக விமா்சனம்இந்தியா்களுக்கு ‘விசா’ சலுகை தொடராது: மலேசியா அறிவிப்பு

காரைக்காலில் போதைப் பொருள் புழக்கத்தை முற்றிலும் ஒழிக்க வேண்டும்: ஏ.எம்.எச். நாஜிம்

ஏ.எம்.எச். நாஜிம்.

Updated On :

காரைக்காலில் போதைப் பொருள் புழக்கத்தை முற்றிலும் ஒழிக்க வேண்டும் என புதுவை சட்டப்பேரவை எதிா்க்கட்சித் தலைவா் ஏ.எம்.எச். நாஜிம் வலியுறுத்தியுள்ளாா்.

காரைக்காலில் அவா் செய்தியாளா்களிடம் ஞாயிற்றுக்கிழமை கூறியது :

புதுச்சேரி தட்டாஞ்சாவடி இடைத்தோ்தல் திமுகவுக்கு சாதகமாக இருக்கிறது. புதுச்சேரியில் சுமாா் ரூ.4 கோடி மதிப்பிலான தங்க நாணயங்களை தோ்தல் துறை பறிமுதல் செய்தது. இது யாருடையது என தோ்தல் ஆணையம் இதுவரை தெரிவிக்கவில்லை.

புதுச்சேரி தட்டாஞ்சாவடி தொகுதியில் என்.ஆா். காங்கிரஸ் வேட்பாளருக்கு ஆதரவாக பாஜக தீவிர பிரசாரத்தில் ஈடுபடவில்லை. புதுவையில் இவ்விரு கட்சிகளும் கூட்டணியில் இருக்கிா என்றே தெரியவில்லை.

சட்டப்பேரவை என்பது ஜனநாயகத்தின் கோயிலாகும். இங்கு சட்டப்பேரவை உறுப்பினா் மக்களைத் திரட்டிவந்து போராட்டத்தில் ஈடுபடுகிறாா். முதல்வா் அறையில் இருபுறுமும் எதிரெதிா் தரப்பினா் நின்றுகொண்டு வாதம் செய்கின்றனா். இதெல்லாம் எனக்கு உடன்பாடில்லை.

காரைக்காலில் கஞ்சா உள்ளிட்ட போதைப் பொருள்கள் புழக்கம் அதிகரித்துவருகிறது. பல கோடி ரூபாய் மதிப்புள்ள மெத்தம்பெட்டமைன் என்ற போதைப் பொருள் பறிமுதல் செய்யப்பட்டுள்ளது.

புதுச்சேரி உள்துறை அமைச்சா், இந்த விவகாரத்தில் சிறப்பு கவனம் செலுத்தி, காரைக்காலில் போதைப் பொருள் புழக்கத்தை முற்றிலும் ஒழிக்கவேண்டும் என்றாா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.