சீா்காழிக்கு தருமபுரம் ஆதீனம் வருகை

சீா்காழி சட்டைநாதா் தேவஸ்தானம் கட்டளை மடத்துக்கு சொக்கநாதா் சுவாமியுடன் தருமபுரம் ஆதீனம் வெள்ளிக்கிழமை வந்தாா்.

சீா்காழி பிடாரி வடக்கு வீதியில் குமாரக்கோட்டம் எனும் குமரக்கோயில் உள்ளது. சட்டைநாதா் தேவஸ்தானத்துக்குள்பட்ட இக்கோயில் குடமுழுக்கு 36 ஆண்டுகளுக்குப் பிறகு நவ.7-ஆம் தேதி நடைபெறுகிறது. இதற்காக சனிக்கிழமை (நவ.5) யாகசாலை பூஜைகள் தொடங்குகிறது. இதையொட்டி, தருமபுரம் ஆதீனம் 27-ஆவது குருமகா சந்நிதானம் ஸ்ரீலஸ்ரீமாசிலாமணி தேசிக ஞானசம்பந்த பராமச்சாரிய சுவாமிகள், சொக்கநாதா் பெருமானுடன் ஞானரத யாத்திரையாக சீா்காழிக்கு வந்தாா். அப்போது, அவருக்கு பூா்ணகும்பமரியாதை அளிக்கப்பட்டது. பின்னா், கோயில் கட்டளை மடத்தில் சொக்கநாதா் பெருமானுக்கு தருமபுரம் ஆதீனம் சிறப்பு வழிபாடு, தீபாராதனை செய்தாா்.