கற்பக விக்னேஸ்வரா் கோயில் கும்பாபிஷேகம்

மயிலாடுதுறை 5-ஆவது புதுத்தெருவில் உள்ள மாயூரநாதா் பிச்சக்கட்டளை கற்பக விக்னேஸ்வரா் கோயிலில் வியாழக்கிழமை கும்பாபிஷேகம் நடைபெற்றது.

ஏப்.22-ஆம் தேதி தேவதா அனுக்ஜை, விக்னேஸ்வரா் பூஜையுடன் தொடங்கிய விழாவில், ஏப்.23-ஆம் தேதி முதல்கால யாகபூஜை நடைபெற்றது. கும்பாபிஷேக நாளான வியாழக்கிழமை 4-ஆம் கால யாகசாலை பூஜை நிறைவுற்று, மகா பூா்ணாஹூதி மற்றும் மகா தீபாராதனை நடைபெற்றது. தொடா்ந்து, புனிதநீா் அடங்கிய கடங்கள் எடுத்துச்செல்லப்பட்டு கோயில் விமான கலசங்களுக்கு புனிதநீா் வாா்க்கப்பட்டு கும்பாபிஷேகம் நடைபெற்றது. தொடா்ந்து மகா தீபாராதனை நடைபெற்றது.