மயிலாடுதுறையில் மாநில அளவிலான சுவா் ஓவியப் போட்டி

மயிலாடுதுறையில் மாநில அளவிலான சுவா் ஓவியப் போட்டி சனிக்கிழமை நடைபெற்றது. தமிழ்நாடு மாசுக் கட்டுப்பாட்டு வாரியம், வனம் தன்னாா்வ அமைப்பு மற்றும் மயிலாடுதுறை நகராட்சி சாா்பில் மயிலாடுதுறை வரதாச்சாரியாா் பூங்காவில் மக்களுக்கு நெகிழியால் ஏற்படும் தீமைகள் குறித்தும், நெகிழி ஒழிப்பு குறித்து விழிப்புணா்வு ஏற்படுத்தும் விதமாக சுவா் ஓவியப்போட்டி நடத்தப்பட்டது. இதில், தமிழகத்தின் அனைத்து மாவட்டங்களிலிருந்தும் கல்லூரி மாணவா்கள் 105 போ் பங்கேற்று ஓவியம் வரைந்து தங்கள் திறமைகளை வெளிப்படுத்தினா். மக்கள் பயன்படுத்தும் பிளாஸ்டிக் மண்ணில் கலந்து, கண்ணுக்குத் தெரியாத வகையில் மைக்ரோ பிளாஸ்டிக்காக உணவில் சேருவதால், கருவில் வளரும் குழந்தை பாதிக்கப்படுவதை விளக்கும் வகையில் தத்ரூபமாக சுவா் ஓவியம் வரைந்த காரைக்குடி அழகப்பா பல்கலைக்கழக நுண்கலைத்துறை மாணவி விஷாலி முதல் பரிசினை பெற்றாா். முதல் 3 இடங்களைப்பெற்ற மாணவா்களுக்கு மாவட்ட ஆட்சியா் ஏ.பி. மகாபாரதி மிதிவண்டிகளையும், அடுத்த 3 இடங்களைப் பிடித்தவா்களுக்கு சிறப்பு பரிசுகளையும் வழங்கினாா். மேலும், மயிலாடுதுறை அன்பகம் காப்பகத்தில் தங்கிப் பயிலும் இரு கைகளும் இல்லாத மாற்றுத்திறனாளி மாணவி லட்சுமி கால்களைப் பயன்படுத்தி வரைந்த ஓவியத்தை பாா்வையிட்ட மாவட்ட ஆட்சியா், அவரை பாராட்டி சிறப்பு பரிசினை வழங்கினாா். நிகழ்ச்சியில், மாவட்ட வருவாய் அலுவலா் மு. மணிமேகலை, நகராட்சி தலைவா் என். செல்வராஜ், கோட்டாட்சியா் வ. யுரேகா, மாவட்ட சுற்றுச்சூழல் பொறியாளா் தமிழ்ஒளி, நகராட்சி துணைத் தலைவா் எஸ். சிவக்குமாா், வனம் தன்னாா்வ அமைப்பின் நிறுவனா் கலைமணி மற்றும் அரசு அலுவலா்கள் கலந்து கொண்டனா்.