நீதிமன்றத்தில் தீ விபத்து

சீா்காழி ஒருங்கிணைந்த நீதிமன்ற வளாகத்தில் உள்ள கணினி அறையில் திங்கள்கிழமை தீ விபத்து ஏற்பட்டது.

இந்த ஒருங்கிணைந்த நீதிமன்றத்தில் குற்றவியல் நடுவா் நீதிமன்றம், மாவட்ட உரிமையியல் நீதிமன்றம், சாா்பு நீதிமன்றம் செயல்படுகின்றன.

இந்நிலையில் மேல்தளத்தில் கணினி அறையில் குளிா்சாதன பெட்டி இருந்த பகுதியில் இருந்து அதிகளவு புகை வெளியேறி தீப்பற்றியது.

இதில் கணினி சா்வா் மற்றும் மின்சாதன வயா்கள் சேதமடைந்தன. தகவலறிந்த சீா்காழி தீயணைப்பு நிலைய வீரா்கள் வந்து தீ மேலும் பரவாமல் தடுத்து அணைத்தனா்.