சாகுபடி வயலில் வேளாண் துறை அலுவலர் ஆய்வு

மயிலாடுதுறை வட்டாரப் பகுதிகளில் சென்னை வேளாண்மை இயக்குநரக மண்டல அலுவலர் ரபியுல்லா சனிக்கிழமை ஆய்வு மேற்கொண்டார்.
தமிழக அரசின் உத்தரவுப்படி, விவசாயிகளுக்கு இயந்திர நடவு பின்னேற்பு மானியத் தொகை வழங்கப்பட்டு வரும் நிலையில், அவர்களுக்கு வழங்கப்படும் பின்னேற்பு மானியம் முறையாக வழங்கப்படுகிறதா என்பதை உறுதிப்படுத்தும் வகையில், வேளாண்மை இயக்குநரக மண்டல அலுவலர் ரபியுல்லா, மயிலாடுதுறை வட்டம், அகரகீரங்குடி, செறுதியூர், குளிச்சார், ஆனந்ததாண்டவபுரம், தாழஞ்சேரி மற்றும் மணல்மேடு பகுதிகளில் ஆகிய பகுதிகளில் ஆய்வு செய்து, விவசாயிகளிடம் பின்னேற்பு மானியம், விதை விநியோகம், மேட்டூர் தண்ணீர் வந்தடைந்துள்ள பகுதிகள் குறித்து கேட்டறிந்தார். ஆய்வின்போது, வேளாண் இணை இயக்குநர் எம். நாராயணசாமி (நாகை), உதவி இயக்குநர்  எஸ். சுப்பையன்(மயிலாடுதுறை) உள்ளிட்டோர் உடனிருந்தனர்.