பைக்கில் மது கடத்திய இருவர் கைது

குத்தாலம் அருகே மோட்டார் சைக்கிளில் மது கடத்திய  இருவரை போலீஸார் ஞாயிற்றுக்கிழமை கைது செய்தனர்.
பெரம்பூர் காவல் உதவி ஆய்வாளர் தமிழ்செல்வி மற்றும் போலீஸார் சேத்தூர் பகுதியில் ஞாயிற்றுக்கிழமை வாகனத் தணிக்கையில் ஈடுபட்டனர். அப்போது, அந்த வழியாக ஒரு மோட்டார் சைக்கிளில் வந்த இருவரை நிறுத்தி விசாரணை செய்தபோது, அவர்களில் ஒருவர்  தியாகராஜநல்லூர் மேலத் தெருவைச் சேர்ந்த வெள்ளைச்சாமி மகன் கார்த்திக் (28) என்பதும், மற்றொருவர் நரிக்குடி கிராமம் மேலத் தெருவைச் சேர்ந்த செல்வராஜ் மகன் குகன் (24) என்பதும்  தெரியவந்தது.
மேலும், அவர்கள் மோட்டார் சைக்கிளில் புதுவை மாநில மதுபுட்டிகளை கடத்தி வந்ததும் தெரியவந்தது. இதையடுத்து இருவரையும் கைது செய்த போலீஸார் அவர்களிடமிருந்து மதுபுட்டிகளை பறிமுதல் செய்தனர்.