முருகன் கோயிலில் ஆடி கிருத்திகை சிறப்பு வழிபாடு

பொறையாறு அருகேயுள்ள ஸ்ரீசுப்பிரமணிய சுவாமி கோயிலில் ஆடி கிருத்திகையையொட்டி, ஞாயிற்றுக்கிழமை சிறப்பு வழிபாடு நடைபெற்றது. 
திருவிடைக்கழி ஸ்ரீசுப்பிரமணிய சுவாமி திருக்கோயிலில் முருகன், சிவன் ஆகியோர் ஒரே சன்னிதியில் வீற்றிருந்து பக்தர்களுக்கு அருள்பாலித்து வருகின்றனர். ஆடி மாத கிருத்திகையையொட்டி, பால், சந்தனம், இளநீர், தேன், பழங்கள் மற்றும் வாசனை திரவியங்கள் கொண்டு சிறப்பு அபிஷேக ஆராதனை நடைபெற்றது. 
இதையடுத்து, ஆண்டுதோறும் ஆடி மாதம் கார்த்திகை நட்சத்திரத்தில் பக்தர்கள் விரதமிருந்து இக்கோயிலிலுக்கு வந்து வழிபட்டால் பல்வேறு நன்மைகள் கிடைக்கும் என்பது பக்தர்களின் நம்பிக்கையாக இருந்து வருகிறது. தொடர்ந்து, பக்தர்கள் பல்வேறு ஊர்களிலிலிருந்து அலகு காவடி, பால் குடம் எடுத்து வந்து நேர்த்திக்கடன் செலுத்தி முருகனை வழிபட்டனர்.